ភ្នំពេញ៖លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោសូមចូលរួមអបអរសាទរក្នុងឱកាសទិវារំឭកខួបអនុស្សាវរីយ៍លើកទី៧៥ឆ្នាំ ថ្ងៃបដិសន្ធិកងកម្លាំងនគរបាលជាតិ (១៦ ឧសភា ១៩៤៥-១៦ ឧសភា ២០២០) ។
កងកម្លាំងនគរបាលជាតិមិនភ្លេចនូវគុណូបករៈ ស្នាព្រះហស្ត ព្រះករុណា ព្រះបាទសម្ដេចព្រះនរោត្ដម សីហនុ ព្រះមហាវីរក្សត្រ ព្រះបរមរតនកោដ្ឋ ដែលព្រះអង្គបានបង្កេីតអង្គប្រតិបត្ដិច្បាប់ ដើម្បីរៀបចំសណ្ដាប់ធ្នាប់សង្គម រួមចំណែកក្នុងកិច្ចការពារជាតិ បូរណភាពទឹកដី មាតុភូមិ ភាពសុខដុមរមនា និងភាពសុខសាន្តជូនប្រជាពលរដ្ឋ ។
បច្ចុប្បន្ននេះ ក្រោមកិច្ចដឹកនាំរបស់ សម្តេចក្រឡាហោម ស ខេង ឧបនាយករដ្ឋមន្ត្រី ជារដ្ឋមន្ត្រីក្រសួងមហាផ្ទៃ និងក្រោមការដឹកនាំប្រកបដោយកតិ្ដបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កងកម្លាំងនគរបាលជាតិបានកំពុងបំពេញភារកិច្ច និងចូលរួមប្រតិបត្តិច្បាប់ ធានារក្សាសន្ដិសុខ សណ្ដាប់ធ្នាប់សង្គម និងភាពសុខដុមរមនាសុខសាន្ដជូនបងប្អូនប្រជាពលរដ្ឋ ៕
