ស្វាយរៀង៖ព្រឹកថ្ងៃសៅរ៍ ១០រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែឧសភាឆ្នាំ ២០២០ លោក គង់ វស្សា ប្រធានក្រុមប្រឹក្សាស្រុក និង លោក ថន ថាវុទ្ធា អភិបាល នៃគណៈអភិបាលស្រុកចន្ទ្រា បានដឹកនាំលោក លោកស្រី សមាជិកក្រុមប្រឹក្សាស្រុក លោក លោកស្រីអភិបាលរងស្រុក នាយករដ្ឋបាលសាលាស្រុក មន្ត្រីរាជការសាលាស្រុក លោកមេឃុំ គ្រប់ឃុំ អញ្ជើញចូលរួមបុណ្យ និងជូនលិខិតរំលែកមរណទុក្ខជាមួយក្រុមគ្រួសារសព លោក ព្រំ សេង ដែលបានទទួលមរណភាពដោយគ្រោះថ្នាក់ចរាចរណ៍កាលពីថ្ងៃទី១៥ ខែឧសភា ឆ្នាំ២០២០នៅភូមិពោធិ៍ឃុុំមេសរថ្ងកស្រុកចន្ទ្រាខេត្តស្វាយរៀង។
សម្ភារៈ និងថវិកាដែលបានចូលរួមបុណ្យសពរួមមាន៖ អង្ករ ១០០គីឡូក្រាម មី ០២កេស ទឹកក្រូច ០២កេស ទឹកសុទ្ធ ០២កេស ទៀន ធូប ថវិកា សរុប ១.១៤០.០០០រៀល ក្នុងនោះថវិការបស់ឯកឧត្តម រ័ត្ន មុន្នី អនុប្រធានក្រុមការងារថ្នាក់កណ្តាលចុះជួយស្រុកចន្ទ្រា ១០០.០០០ រៀល ឯកឧត្តម ហ៊ូ វតន: អនុប្រធានក្រុមការងារថ្នាក់ខេត្តចុះជួយស្រុកចន្ទ្រា ៥០.០០០រៀល ក្រៅពីនេះ ជាថវិការបស់ថ្នាក់ដឹកនាំ ក្រុមប្រឹក្សាស្រុក និងមន្ត្រីរាជការសាលាស្រុកចន្ទ្រា៕
