ខេត្តសៀមរាប ៖ ថ្ងៃពុធ ១៤រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២០ ខែឧសភា ឆ្នាំ២០២០ វេលាម៉ោង ០៥និង៣០នាទីព្រឹក មានករណីគ្រោះថ្នាក់ចរាចរណ៍រវាងរថយន្ត និងរថយន្តដឹកត្រី ។
លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួកបានអោយដឹងថា មានករណីគ្រោះថ្នាក់ចរាចរណ៍ដែលបង្កឡើងដោយរថយន្តដឹកត្រី បែកកង់មុខខាងស្ដាំនៅចំណុចផ្លូវជាតិលេខ ៦ ត្រង់ចំណុចគីឡូម៉ែត្រលេខ ៣៥១-៣៥២ ក្នុងទឹកដីភូមិកិត្តិយស ឃុំព្រៃជ្រូក ស្រុកពួក ខេត្តសៀមរាប ដែលបង្កឡេីងរវាងរថយន្តម៉ាកហុីយ៉ាន់ដាយ ពណ៌ខៀវ ពាក់ស្លាកលេខ កំពង់ចាម ៣A.៨៣៧៦ ដឹកត្រី បើកបរដោយឈ្មោះ សុខ យាងភារុត ភេទប្រុស អាយុ១៧ឆ្នាំ នៅភូមិថ្មដាកើត ឃុំទួលសុភី ស្រុកអូររាំងឪ ខេត្តកំពង់ចាមដឹកមនុស្សចំនួន ០១នាក់ឈ្មោះ ជុន រដ្ឋធី ភេទប្រុស អាយុ ២៧ឆ្នាំ នៅភូមិថ្មដាលិច ឃុំទួលសុភី ស្រុកអូររាំងឪ ខេត្តត្បូងឃ្មុំ បើកបរទិសដៅពីកើតទៅលិចបានបែកកង់មុខហើយបុកជាមួយរថយន្តម៉ាកហុីយ៉ាន់ដាយ ពណ៌ក្រហម ពាក់ស្លាកលេខ កំពង់ស្ពឺ ៣A.០១១៥ បើកបរដោយឈ្មោះ រ៉េត សារឹទ្ធ ភេទប្រុស អាយុ២៧ឆ្នាំ នៅភូមិជ្រាស់ ឃុំល្វា ស្រុកពួក ខេត្តសៀមរាប បើកបរទិសដៅពីកើតទៅលិច ពេលបុកហើយ រថយន្តជ្រុលទៅបុកផ្ទះប្រជាពលរដ្ឋចំនួន ០២ខ្នង។
១-ម្ចាស់ផ្ទះរងគ្រោះឈ្មោះ ហង់ រឿង ភេទប្រុស អាយុ៦០ឆ្នាំ នៅភូមិ-ឃុំកើតហេតុខាងលើ ផ្ទះឈើទំហំ ៥.២០ម. X ៨ម. ប្រក់ស័ង្កសី ជញ្ជាំងក្តារ កម្ពស់ ២.៥០ម. បានដួលរលំទាំងស្រុង ។
២-ម្ចាស់ផ្ទះរងគ្រោះឈ្មោះជួន លេន ភេទប្រុស អាយុ ៣៤ឆ្នាំ រស់នៅភូមិ-ឃុំកើតហេតុខាងលើ ផ្ទះសង់អំពីដែក ទំហំ ៤ X ៥ម. ប្រក់ស័ង្កសី ជញ្ជាំងស័ង្កសី ខូចខាតស្រាល ។
លោកវរសេនីយ៍ឯកបានបន្តទៀតថា : ក្នុងករណីនេះបានបណ្តាលឲ្យស្លាប់មនុស្សចំនួន ០១នាក់ ឈ្មោះ រ៉េត សារឹទ្ធភេទប្រុស រស់នៅភូមិកើតហេតុខាងលើ និងរបួសមនុស្សចំនួន ០៤នាក់ ស្រី ០១នាក់(ធ្ងន់ ០១នាក់ ស្រាល ០៣នាក់)
១-ឈ្មោះ ជុន រដ្ឋធី របួលធ្ងន់
២-ឈ្មោះ សុខ យាងភារុត
៣-ឈ្មើហង់ បុត្រវីរះ ភេទប្រុស អាយុ២៩ឆ្នាំ
៤-ឈ្មោះ ណាត ចាន់ណា ភេទស្រីអាយុ២៧ឆ្នាំ របួសស្រាល(ទី៣និង៤ជាកូនម្ចាស់ផ្ទះ)។
ព្រមទាំងខូចខាតរថយន្តចំនួន ០២គ្រឿង ( ធ្ងន់) ខូចខាតផ្ទះប្រជាពលរដ្ឋចំនួន ០២ខ្នង ១-សសរទល់រោធនិងឈើលើ រលំទាំងស្រុង ២-សង់អំពីដែក ផ្ទាល់ដី ប្រក់ស័ង្គសី ដំបូលស័ង្គី ខូចខាតស្រាល។
ក្រោយពេលកើតហេតុ កម្លាំងផ្នែកសណ្ដាប់ធ្នាប់សាធារណៈនិងកម្លាំងប៉ុស្តិ៍នគរបាលរដ្ឋបាលបានចុះវាស់វែងធ្វើកំណត់ហេតុ និងបញ្ជូនជនរងគ្រោះទៅសង្រ្គោះបន្ទាន់នៅមន្ទីរពេទ្យស្រុកពួក ហើយធ្វើការប្រគល់សពជនរងគ្រោះទៅក្រុមគ្រួសារដេីម្បីធ្វើបុណ្យតាមប្រពៃណី។
ចំណែកវត្ថុតាង ត្រូវបានយកមករក្សាទុកនៅអធិការដ្ឋានស្រុកពួក និងកំពុងកសាងសំណុំរឿងបញ្ជូនទៅតុលាការដេីម្បីអនុវត្តតាមនីតិវិធីបន្ត ៕
