ខេត្តត្បូងឃ្មុំ ៖ ក្រោមការចង្អុលបង្ហាញពីលោក លោក វរសេនីយ៍ឯក ឈន សុធន អធិការនគរបាលក្រុងសួង នៅព្រឹកថ្ងៃទី២០ ខែឧសភា ឆ្នាំ២០២០ ប៉ុស្តិ៍នគរបាលរដ្ឋបាលវិហារលួង បានដឹកនាំកម្លាំង ចុះបង្ក្រាបទីតាំងបញ្ជល់មាន់ និងអាប៉ោងដ៏ធំមួយកន្លែង ដែលស្ថិតនៅក្នុងចម្ការស្វាយចន្ទីភូមិថ្មី សង្កាត់វិហារលួង ក្រុងសួង ខេត្តត្បូងឃ្មុំ។
សមត្ថកិច្ច បានឲ្យដឹងថា ក្នុងប្រតិបត្តិការនោះ បង្រ្កាបបានម៉ូតូចំនួន ០៣គ្រឿង, មាន់ចំនួន ០៣ក្បាល, ស៊ុមដាក់មាន់ចំនួន ០៣ និងបានដុតបំផ្លាញសម្ភារៈជល់មាន់នោះចោលទាំងអស់។
ប្រជាពលរដ្ឋដែលរស់នៅក្រុងសួង បានអរគុណលោកមេប៉ុស្តិ៍ និងលោកអធិការ ដែលបានចុះបង្ក្រាបល្បែងស៊ីសង និងដើម្បីការពារសុវត្ថិភាពពីវីរុស Covid 19 ហើយនិងដើម្បីភូមិឃុំមានសុវត្ថិភាពផងដែរ ៕
