ខេត្តតាកែវ៖មនុស្សម្នាក់បានស្លាប់ភ្លាមៗនៅនិងកន្លែងកើតហេតុ ដោយសារគ្រោះថ្នាក់ចរាចរណ៍ដែលបង្កឡើងដោយសារបត់ម៉ូតូមិនប្រុងប្រយត្ន័ក៏ត្រូវរថយន្តបុកពេញទំហឹងក្នុងទិសដៅបញ្ច្រាស់គ្នា ។
ហេតុការណ៍នេះបានកើតឡើងថ្ងៃថ្ងៃទី០៣ ខែមិថុនា ឆ្នាំ២០២០ វេលា ម៉ោង ១៧និង ៤០នាទីល្ងាច លើដងផ្លូវជាតិលេខ ៣ចន្លោះគីឡូ ម៉ែត្រ ៥៣-៥៤ក្នុងភូមិ ព្រៃញឹក ឃុំខ្វាវ ស្រុកសំរោង ខេត្តតាកែវ។
លោក ភី ឆុន អធិការស្រុកសំរោងបានអោយដឹងថា ម៉ូតូម៉ាក C125 ពណ៌ខ្មៅ ពាក់ផ្លាកលេខ តាកែវ 1B. 1337 បេីកបរដោយឈ្មោះ ហៀង ករុណា ភេទប្រុស អាយុ ១៩ឆ្នាំ នៅភូមិស្វាយព្រៃ ឃុំលំចង់ ស្រុកសំរោង ខេត្តតាកែវ ស្លាប់នៅកន្លែងកេីតហេតុ។ អ្នកបើករថយន្តមិនស្គាលអត្តសញ្ញាណក្រោយកើតហេតុបានបើករថយន្តគេចខ្លួនបាត់។
បច្ចុប្បន្នវត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកសំរោង។
ចំណែកសាកសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រណៃណី៕
