ស្វាយរៀង៖លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំក្រុមការងារ ចុះសួសសុខទុក្ខ និងអប់រំអប់រំណែនាំប្រជាពលរដ្ឋចំណាកស្រុក ត្រឡប់មកពីប្រទេសវៀតណាម។
ការចុះសួរសុខទុក្ខ និងអប់រំអប់រំណែនាំប្រជាពលរដ្ឋចំណាកស្រុកនេះនាព្រឹកថ្ងៃពុធ ១៣ កើត ខែជេស្ឋ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៣ ខែមិថុនា ឆ្នាំ២០២០។
ប្រជាពលរដ្ឋចំណាកស្រុក ត្រឡប់មកពីប្រទេសវៀតណាមមាន ឈ្មោះ នួន គន្ធា ភេទប្រុស អាយុ៣៦ឆ្នាំ រស់នៅភូមិបារាយណ៍ ឃុំមេសរថ្ងក ស្រុកចន្ទ្រា ខេត្តស្វាយរៀង លោកអភិបាលស្រុកបានឲ្យលោកមេភូមិសហការជាមួយលោកមេឃុំប៉ុស្តិ៍នគរបាលរដ្ឋបាលឃុំនាំគាត់មកពិនិត្យនៅមណ្ឌលសុខភាពជារៀងរាល់ថ្ងៃហើយឱ្យគាត់រស់នៅដាច់ឡែកពីគេរយៈពេល ១៤ថ្ងៃ ព្រមទាំងបានឧបត្ថម្ភសម្ភារៈមួយចំនួនរួមមាន អង្ករ ២៥គីឡូក្រាម មី ០១កេស ទឹកស៊ីអ៊ីវ ០១យួរ ទឹកត្រី ០២ដប កន្ទេល០១ ខ្នើយ០១ ភួយ០១ ម៉ុង ០១ ចាន់ដែក១ ចានឆ្នាំង ស្លាបព្រា និងវែក សម្រាប់ប្រើប្រាស់ប្រចាំថ្ងៃ ផងដែរ៕
