បាត់ដំបង៖នៅថ្ងៃ សុក្រ១៥កេីតខែជេស្ឋឆ្នាំ ជូតទោស័ក ព.ស. ២៥៦៤ត្រូវនឹងថ្ងៃទី៤ខែ មិថុនាឆ្នាំ២០២០វេលាម៉ោង១៥និង២៦នាទីត្រូវថ្ងៃទី ៥ ខែ មិថុនា ឆ្នាំ២០២០ អនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបងនិងដោយអនុវត្តតាមមតិណែនាំជំនាញរបស់លោក ឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿង លោកវរសេនីយ៍ទោ សុខ សារិន អធិការនគរបាលស្រុកបវេល ដឹកនាំកម្លាំងផ្នែកជំនាញ រួមជាមួយកម្លាំងនគរបាលអន្តរាគមន៍ និងកម្លាំងប៉ុស្តិ៍នគរបាលរដ្ឋបាល ចុះប្រតិបត្តិការបង្រ្កាបករណីរក្សាទុកដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែងនៅចំណុច ភូមិដាច់ព្រាត់ ឃុំបវេល ស្រុកបវេល ខេត្តបាត់ដំបងនិងបានឃាត់ជនសង័្សយចំនួន០១នាក់។
ជនសង័្សយគឺមានឈ្មោះស៊ាន ចិត្ត ភេទប្រុស អាយុ៣៣ឆ្នាំ រស់នៅភូមិរូងជ្រៃ ឃុំរូងជ្រៃ ស្រុកថ្មគោល ខេត្តបាត់ដំបង។
វត្ថុតាងចាប់យករួមមាន៖
ម្សៅក្រាមពណ៌សថ្លាច្រកក្នុងថង់ផ្លាស្ទិច ពណ៌សថ្លា សង្ស័យមានសារធាតុញៀនប្រភេទមេតំហ្វេតាមីន ម៉ាទឹកកកICEមានចំនួន០៩ថង់មិនទាន់ថ្លឹងទម្ងន់នៅឡេីយ។
ក្រោយពេលសាកសួរស្រាវជ្រាវបច្ចុប្បន្នជន សង្ស័យនិងវត្ថុតាងនគរបាលស្រុកបានបញ្ជូនមកកាន់ការិយាល័យជំនាញដេីម្បីចាត់ការតាមច្បាប់៕
