កំពង់ចាម៖នៅព្រឹកថ្ងៃទី០៦ ខែមិថុនា ឆ្នាំ២០២០ វេលាម៉ោង០៩និង៣០នាទី លោកវរសេនីយ៍ទោ ប៉ែន ទៀងចំរើន អធិការនគរបាលស្រុកចំការលើ បានអមដំណើរឯកឧត្តម ឧត្តមសេនីយ៍ទោ ងួន វិទូ អនុប្រធានក្រុមការងារចុះជួយឃុំបុសខ្នុរ និងលោក ខ្លូត ចិន្តា អភិបាលនៃគណ:អភិបាលស្រុក។
ដោយមានការចូលរួមពី មេបញ្ជាការរងកងរាជអាវុធហត្ថស្រុក មេឃុំ ជំទប់ ក្រុមប្រឹក្សាឃុំ បានចុះសួរសុខទុក្ខនិងនាំយកថ្នាំពេទ្យចំនួន៥ប្រអប់ និងសេរ៉ូមចំនួន៥កំប្លោក ព្រមទាំងថវិកាមួយចំនួន ជាថវិការបស់ឯកឧត្តមអនុប្រធានក្រុមការងារចុះជួយឃុំបុសខ្នុរ ជូនលោកយាយ លាង ណយ ភេទស្រី អាយុ៧៧ កំពុងសម្រាកព្យាបាលជំងឺនៅផ្ទះ ស្ថិតនៅភូមិសាមគ្គី ឃុំបុសខ្នុរ ស្រុកចំការលើ ត្រូវជាប្រពន្ធអតីតមេឃុំបុសខ្នុរ ជំនាន់សាធារណ:រដ្ឋប្រជាមានិតកម្ពុជា ៕
