កំពង់ចាម៖ ឯកឧត្ដមបណ្ឌិត ម៉ា ឈឿន ជាប្រធានក្រុមការងារចុះជួយស្រុកជេីងព្រៃ បានបើកកិច្ចប្រជុំក្រុមប្រឹក្សាឃុំ/សង្កាត់ដើម្បីពិភាក្សាការអត្ដសញ្ញាណប័ណ្ណជួនប្រជាពលរដ្ឋ និងវឌ្ឍនភាពនៃការកសាងសមាជិកបក្សសំរាប់ឆមាសទី១ឆ្នាំ២០២០ និងទិសដៅបន្ដ។
កិច្ចប្រជុំខាងលើនេះ ត្រូវបានធ្វើឡើង នៅព្រឹក ថ្ងៃសៅរ៍ ១ រោច ខែជេស្ឋ ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៦ ខែមិថុនា ឆ្នាំ២០២០ នៅសាលប្រជុំទីស្នាក់ការគណៈបក្សដែលស្ថិតក្នុងភូមិសូទិព ឃុំសូទិព ស្រុកជើងព្រៃ ខេត្តកំពង់ចាម ដោយមានការចូលរួមពីអភិបាលស្រុក អភិបាលស្រុករង ក្រុមប្រឹក្សាឃុំ/សង្កាត់ចៅ ឃុំ/សង្កាត់រង ស្មៀន មេភូមិ កម្លាំងប្រជាការពារសង្កាត់ និងលោកនាយប៉ុស្តិ៍ផងដែរ។
ក្នុងឪកាសនោះដែរឯកឧត្ដមបណ្ឌិតម៉ា ឈឿន បានលើកឡើងនូវបញ្ហាមួយចំនួន និងបានជម្រុញឲ្យមន្ត្រីឃុំ/សង្កាត់ ក៏ដូចជាមេភូមិទាំងអស់ ត្រូវពន្លឿនកិច្ចការងារជូនប្រជាពលរដ្ឋ ក្នុងមូលដ្ឋាន ឲ្យបានកាន់លឿន ទាន់ពេលវេលា។
ឯកឧត្ដមបណ្ឌិតម៉ា ឈឿនក៏បានសង្កត់ធ្ងន់ផងដែរ ពាក់ព័ន្ធបញ្ហាសន្តិសុខ សុវត្ថិភាពក្នុងមូលដ្ឋាន សូមឲ្យមេភូមិ និងមេប៉ុស្តិ៍ ធ្វើយ៉ាងណាឲ្យមានទិន្នន័យជាក់លាក់ ពាក់ព័ន្ធនឹងបទល្មើសនានា ដាក់ជូនសង្កាត់ ដើម្បីមានវិធានការទប់ស្កាត់ ឲ្យមានប្រសិទ្ធិភាព ។
ឯកឧត្ដមបណ្ឌិតម៉ា ឈឿនបានច្លែងអមណរអគុណដល់សមាជិកក្រុមការងារចុះជួយស្រុកជេីងព្រៃ ទាំងអស់ដែលបានខិតខំប្រឹងប្រែងយកចិត្ដទុកដាក់ចុះជួយតាមភូមិ ឃុំទាំងអស់នៅក្នុងស្រុកជេីងព្រៃ។
ជាចុងក្រោយឯកឧត្ដមបណ្ឌិតម៉ា ឈឿនក៍បានណែនាំអោយបងប្អូនទាំងអស់រួមគ្នាប្រយុទ្ធប្រឆាំងនឹងជំងឺកូវីដ១៩ដោយលាងដៃជាមួយអាកុល ជែល នឹងសាប៊ួអោយបានញឹកញាប់៕ដោយ៖ប៉ែន សុផល
