ភ្នំពេញ៖នៅថ្ងៃចន្ទ ៣រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៨ ខែមិថុនា ឆ្នាំ ២០២០ វេលាម៉ោង ៧និង០០នាទីព្រឹក លោក វរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បានដឹកនាំកម្លាំងប្រជុំជួរ ដើម្បីពង្រឹងវិន័យរបស់កងកម្លាំងនគរបាលជាតិ ជាពិសេសផ្នែកជំនាញនៅពេលចុះអនុវត្ដច្បាប់ និងរាល់ការចុះបង្រ្កាបបទល្មើសនីមួយៗ ត្រូវយកចិត្តទុកដាក់ និងប្រុងប្រយ័ត្នជានិច្ច ហើយក៏បានផ្សព្វផ្សាយផែនការរបស់ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ សម្រាប់យកទៅអនុវត្ត តាមផែននីមួយៗឲ្យទទួលបានជោគជ័យ ពិសេសការពារសន្តិសុខ សណ្តាប់ធ្នាប់ ជួយសម្រួលចរាចរណ៍កុំឲ្យមានការកកស្ទះ ជូនប្រជាពលរដ្ឋនៅក្នុងភូមិសាស្ត្រខណ្ឌដង្កោ។
លើសពីនេះទៅទៀត លោកក៏បានណែនាំឲ្យកងកម្លាំងយើងទាំងអស់ឲ្យមានការប្រុងប្រយ័ត្ន ត្រូវពាក់ម៉ាស លាងសម្អាងដៃជាមួយទឹកអាល់កុល ជាប្រចាំ ដើម្បីទប់ស្កាត់កុំមានការឆ្លងនូវជម្ងឺកូវីដ-១៩៕
