ខេត្តស្វាយរៀង ៖ព្រឹកថ្ងៃទី២៥ ខែមិថុនា ឆ្នាំ២០២០ នៅវិទ្យាល័យ ហ៊ុន សែន កំពង់រោទិ៍ បានរៀបចំពិធី សំណេះសំណាលជាមួយកម្លាំងប្រជាការពារ និងចែកសម្លៀកបំពាក់ដល់ប្រជាការពារចំនួន ៤១២នាក់ ក្នុងស្រុកកំពង់រោទិ៍ ក្រោមអធិបតីភាពដ៏ខ្ពង់ខ្ពស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាល ចុះជួយខេត្តស្វាយរៀង ។
កម្មវិធីនេះដែរ មានការអញ្ជើញចូលរួមពី ឯកឧត្តម លោកជំទាវ សមាជិករដ្ឋសភា ព្រឹទ្ធសភា តំណាងរាស្ត្រមណ្ឌលស្វាយរៀង លោកឧត្តមសេនីយ៍ទោ កឹង ឃន ស្នងការនគរបាលខេត្ត និងជាប្រធានក្រុមការងារថ្នាក់ខេត្ត ចុះជួយស្រុកកំពង់រោទិ៍ លោកអភិបាល អភិបាលរងស្រុក លោកប្រធានក្រុមប្រឹក្សាស្រុក លោកឧត្តមសេនីយ៍ត្រីប្រធានច្រកទ្វាព្រំដែនអន្តរជាតិព្រៃវល្លិ៍ លោក លោកស្រីស្នងការររង លោកអធិការ អធិការរងនគរបាលស្រុក លោកមេឃុំ លោកនាយប៉ុស្តិ៍នគរបាលរដ្ឋបាល និងកម្លាំងប្រជាការពារ សរុបវត្តមានប្រមាណ ៥០០នាក់។
ក្នុងឱកាសនោះលោកជំទាវកិត្តិសង្គហបណ្ឌិតឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានផ្តាំផ្ញើរដល់ សមាជិក សមាជិកា ក្នុងអង្គពិធី ត្រូវចូលរួមក្នុងការងារប្រយុទ្ធប្រឆាំង និងការពារអោយបានល្អ កុំអោយឆ្លងជំងឺកូវីដ-១៩( Covid-19) ព្រមទាំងបានអញ្ជើញចែកសម្លៀកបំពាក់ជាឯកសណ្ឋានប្រជាការពារ និងថវិកា ៣០,០០០រៀល ក្នុង១នាក់ ដល់កម្លាំងប្រជាការពារចំនួន ៤១២នាក់ ផងដែរ៕
