ក្រុងប៉ោយប៉ែត ៖ នៅព្រឹក ថ្ងៃព្រហស្បតិ៍ ៥ កើត ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៥ ខែមិថុនា ឆ្នាំ២០២០ នេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានអញ្ជើញ ជាគណអធិបតី ក្នុងពិធី ចែក អំណោយជូនប្រជាពលរដ្ឋ ចំនួន១៤១គ្រួសារ នៅគេហដ្ឋានលោក ប៉ាន សេរី ជាមេភូមិ ទួលពង្រ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
នៅក្នុងឱកាសចែកអំណោយមនុស្សធម៌ ចំនួន១៤១គ្រួសារ នេះ មានការអញ្ជើញចូលរួម មាន ៖
ព្រះធម្មញាណ ប៉ុក ចំរើន ព្រះរាជាគណៈថ្នាក់កិត្តិយស និង ជាព្រះគ្រូអនុគណ ក្រុងប៉ោយប៉ែត • ព្រះអង្ករ យឺន សុវណ្ណាយ៉ារី ព្រះចៅអធិការវត្តទួលពង្រ • ព្រះអង្ករ សែម ប៊ុននី ព្រះចៅអធិការវត្តព្រៃគប់ • លោក ស្រិល អិន ចៅសង្កាត់ផ្សារកណ្ដាល • លោក ញឹម ភឿង
នាយករដ្ឋបាលក្រុង • លោក ប៉ាន សេរី មេភូមិទួលពង្រ • នាយករងរដ្ឋបាល លោក លោក ស្រី ប្រធាន ការិយាល័យ អង្គភាព លោកចៅសង្កាត់ លោកមេភូមិ គណៈកម្មការអាចារ្យវត្ត ប្រជាពលរដ្ឋ ជាច្រើននាក់ផងដែរ ។
សូមបញ្ជាក់ថា អំណោយដែលបានការឧបត្ថម្ភ សម្រាប់ ចែកជូនប្រជាពលរដ្ឋចំនួន១៤១គ្រួសារ នៅព្រឹកនេះរួមមាន ៖
១ • អង្ករចំនួន ២០គីឡូក្រាម
២ • ទឹកស៊ីអ៊ី១យួរ
៣ • ថវិការចំនួន២០,០០០រៀល
ក្នុងនោះ បានការឧបត្ថម ពីសប្បុរជន ៖
១ • លោក យឿម គង់ និងភរិយា ឧបត្ថម្ភអង្ករ ចំនួន ១០០០គីឡូក្រាម ទឹកស៊ីអីវ១០០ យួរ
២ • លោក ស្រី អាន ពីនី និងក្រុមគ្រួសារ ឧបត្ថម្ភអង្ករ ចំនួន ១០០០គីឡូក្រាម ទឹកស៊ីអីវ១០០ យួរ
៣ • ព្រះអង្ករ យឺន សុវណ្ណាយ៉ារី ព្រះចៅអធិការវត្តទួលពង្រ ឧបត្ថម្ភអង្ករចំនួន៤០០គីឡូក្រាម
៤ • លោក ថុង វទ្ធី និងភរិយា ឧបត្ថម្ភអង្ករ
ចំនួន៥០០គីឡូក្រាម
៥ • លោក ម៉េង ហាក់ ឧបត្ថម្ភអង្ករ
ចំនួន១០០គីឡូក្រាម
៦ • លោក អៀង ហួ និងភរិយា មី១០កេះ
នៅក្នុងឱកាសនោះផងដែរ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ក៏បានមានមតិជួបសំណេះសំណាល សួរសុខទុក្ខ ផ្ដាំផ្ញើរ ពីថ្នាក់ដឹកនាំ បាននិងកំពុងផ្តោត ការយកចិត្តទុកដាក់លើការងារមនុស្សធម៌ ដោយមិនឱ្យប្រជាពលរដ្ឋណាម្នាក់ស្លាប់ដោយអត់បាយ មិនមានអាជ្ញាធយកចិត្តទុក្ខ នោះទេ។
ចាប់តាំងពីការរីករាលដាលនៃវីរុសកូវីដ១៩ រដ្ឋបាលក្រុងប៉ោយប៉ែតយើង បាន សហការជាមួយរដ្ឋបាលសង្កាត់ និង មានការចូលរួមពីសប្បុរសជននៅគ្រប់ទិសទី រដ្ឋបាលក្រុង បានកៀរគរ ជាសម្ភារៈ ថវិកា ច្រើនសន្ធឹកសន្ធាប់ និង បានចែកជូនដល់បងប្អូនប្រជាពលរដ្ឋមានជីវភាពខ្វះខាត បានចំនួនជាង ៧០០០គ្រួសារមកហើយ ទោះបីជា ខំចែកជូនយ៉ាងណាក្តី នៅតែមាន ប្រជាពលរដ្ឋជា ច្រើនគ្រួសារជួបប្រទះនឹងការខ្វះខាតបន្តទៀត។
ដូច្នេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានសូមអំពាវនាវដល់សប្បុរសជន ទាំងក្នុងនិងក្រៅប្រទេស មេត្តាជួយឧបត្ថម្ភជាសម្ភារៈ ថវិកាបន្ថែមទៀត ដើម្បីយកទៅចែកជូនបងប្អូនប្រជាពលរដ្ឋដែលកំពុងជួបប្រទះនឹងការខ្វះខាតនៅពេលក្រោយៗទៀត ។
ជាមួយគ្នានេះ ផងដែរ លោក អភិបាលក្រុងប៉ោយប៉ែត ក្នុងនាមជាអាជ្ញាធរក្រុង និងក្នុងនាមរូបលោកផ្ទាល់ សូមស្នើដល់ លោក លោកស្រី និងបងប្អូនប្រជាពលរដ្ឋទាំងអស់ បន្តយកចិត្តទុកដាក់ លើការងារសំខាន់ៗ មួយចំនួនដូចខាងក្រោម ក្នុងស្ថានភាពជំងឺកូវីដ១៩ ដែលកំពង់រាតត្បាត នាបច្ចុប្បន្ននេះមានដូចជា ៖
១ • បញ្ហាជំងឺកូវីដ១៩
២ • បញ្ហាការបិទច្រកព្រំដែន
៣ • ជម្រុញឱ្យកូនរៀនសូត្រតាមប្រព័ន្ធអនឡាញ
៤ • ដាំដំណាំកសិកម្ម ចិញ្ចឹមសត្វ ជាលក្ខណៈគ្រួសារ
ដោយ លោក អភិបាល នៃគណៈអភិបាលក្រុងប៉ោយប៉ែត គិតថា ការចែកអំណោយនាពេលនេះ គឺជាការរួមចំណែកកាត់បន្ថយទុក្ខលំបាករបស់បងប្អូនប្រជាពលរដ្ឋមានជីវភាពខ្វះខាតបានមួយរយៈពេលខ្លីតែប៉ុណ្ណោះ ។ ដូច្នេះ សូមបងប្អូន ចូលរួម ដាំដំណាំកសិកម្ម ចិញ្ចឹមសត្វ ជាលក្ខណៈគ្រួសារ ដើម្បី ជួយដោះស្រាយ ជីវភាព យើង ក្នុងកាលៈទេសៈចាំបាច់ ស្ថានភាពជំងឺកូវីដ១៩ ដែលកំពង់រាតត្បាត នាបច្ចុប្បន្ននេះ ។
ជាចុងក្រោយ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បាន ថ្លែងអំណរគុណដល់ សប្បុរសជន ដែលបានចំណាយថវិការផ្ទាល់ខ្លួន បញ្ជារទិញ គ្រឿងឧបភោគបរិភោគដើម្បីបរិច្ចាក មកអាជ្ញាធរ សម្រាប់ចែកជូនបងប្អូនប្រជាពលរដ្ឋនាឱកាសនេះ និងពេលកន្លងមក សូមជូនពរដល់លោក លោកស្រី មន្ត្រីរាជការ សប្បុរសជន និងបងប្អូនប្រជាពលរដ្ឋទាំងអស់ ដែលមានវត្តមានក្នុងពិធីនេះ សូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ ។ ដោយ ៖លោកចាន់ពុធ
