ភ្នំពេញ ៖ កម្លាំងនគរបាលប៉ុស្តិ៍ឃ្មួញ និងប៉ុស្តិ៍ក្រាំងធ្នង់ បានធ្វើការឃាត់ខ្លួនជនសង្ស័យ២នាក់ ករណីប្រើប្រាស់ដោយខុសច្បាប់នូវសារធាតុញៀន។
នគរបាលប៉ុស្តិ៍ឃ្មួញបានឲ្យដឹងថា នៅថ្ងៃទី២៦ ខែមិថុនា ឆ្នាំ២០២០ វេលាម៉ោង១១និង០០នាទី បានឃាត់ខ្លួនជនសង្ស័យម្នាក់ ឈ្មោះ រស់ សារិន ភេទប្រុស អាយុ២៧ឆ្នាំ ជនជាតិខ្មែរ មុខរបរកម្មរសំណង់ ស្នាក់នៅផ្ទះជួល ភូមិសេនសុខ៥ សង្កាត់ឃ្មួញ ខណ្ឌសែនសុខ (ពិនិត្យទឹកនោម)។ នៅចំណុតាមផ្លូវបេតុង ភូមិសែនសុខ៥ សង្កាត់ឃ្មួញ ខណ្ឌសែនសុខ។
ចំណែកនគរបាលប៉ុស្តិ៍រដ្ឋបាលក្រាំងធ្នង់ ឃាត់ខ្លួនបានជនសង្ស័យម្នាក់ នៅវេលាម៉ោង២១និង៣០នាទី នៅថ្ងៃទី២៦ ខែមិថុនា ឆ្នាំ២០២០ នៅចំណុតាមផ្លូវបេតុង ភូមិកក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
ដោយជនសង្ស័យមានឈ្មោះ វ៉ាន់ គឹមហៃ ភេទប្រុស អាយុ៣១ឆ្នាំ ជនជាតិខ្មែរ មុខរបរបើកឡាន ស្នាក់នៅផ្ទះ២១៥ ផ្លូវបេតុង ផ្លូវបេតុង ភូមិកក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (ពិនិត្យទឹកនោម)។
បច្ចុប្បន្ន ជនសង្ស័យទាំង២នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
