ភ្នំពេញ៖កាលពីថ្ងៃទី២៦ខែមិថុនាឆ្នាំ២០២០កម្លាំងជំនាញរបស់ការិយាល័យសហការជាមួយប៉ុស្តិ៍នគរបាល
សង្កាត់អូរបែកក្អមស្រាវជ្រាវឃាត់ខ្លួនជនសង្ស័យចំនួនម្នាក់តាមដីការបង្គាប់ឲ្យចាប់ខ្លួនរបស់ចៅក្រមជំនុំជម្រះសាលាដំបូងរាជធានីភ្នំពេញបញ្ជូនមកការិយាល័យចាត់ការតាមនីតិវិធី។
សមត្ថកិច្ចបានឲ្យដឹងថាជនសង្ស័យមាន ឈ្មោះ ហ៊ុនគឹមហេងភេទប្រុសអាយុ២១ឆ្នាំជនជាតិខ្មែរ(គ្មានសារធាតុញៀនក្នុងទឹកនោម) ទីលំនៅបច្ចុប្បន្នផ្ទះលេខ៣៣ផ្លូវលំក្រុម៣ភូមិត្រពាំងឈូកសង្កាត់អូរបែកក្អមខណ្ឌសែនសុខរាជធានីភ្នំពេញ មុខរបរមិនពិតប្រាកដពីបទលួច(ឆក់កាបូបស្ពាយ)។ប្រព្រឹត្តនៅចំណុចមុខហាងពិភពម៉ូតផ្ទះលេខ១៩សង្កាត់ជ័យជំនះខណ្ឌដូនពេញកាលពីថ្ងៃទី០១ខែសីហាឆ្នាំ២០១៨តាមដីកាបង្គាប់ឲ្យចាប់ខ្លួនលេខ៨៦២«ឆ» ដ.ច.នចុះថ្ងៃទី២៨ខែធ្នូឆ្នាំ២០១៨ចេញដោយចេញដោយលោក កោវណ្ឌីចៅក្រមជំនុំជម្រះសាលាដំបូងរាជធានីភ្នំពេញ។
សមត្ថកិច្ចបានបន្តទៀតថាបានចាប់ខ្លួនកាលពីថ្ងៃទី២៦ខែមិថុនាឆ្នាំ២០២០វេលាម៉ោង១៤និង៤៦នាទីនៅចំណុចប៉ុស្តិ៍នគរបាលរដ្ឋបាលអូរបែកក្អមសង្កាត់អូរបែកក្អមខណ្ឌសែនសុខរាជធានីភ្នំពេញ។
បច្ចុប្បន្នជនសង្ស័យខាងលើការិយាល័យបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី។
