ខេត្តស្វាយរៀង៖ ក្រុមអាជីវកររកស៊ីដឹកទំនិញតាមម៉ូតូ តាមរ៉ឺម៉កម៉ូតូ និងតាមត្រាក់ទ័រ នាំគ្នារអ៊ូរទាំប្រាប់អ្នកព័ត៌មានថា មានមនុស្សឈរ នៅមុខរបងការិយាល័យគយ និងរដ្ឋាករបុសមនស្ទាក់បង់ប្រាក់ក្នុង១ម៉ូតូ ១ម៉ឺនរៀល, ១រ៉ឺម៉កម៉ូតូ ៤ម៉ឺនរៀល ទៅ៨ម៉ឺនរៀល តាមរ៉ឺម៉កវែងខ្លី និងតាមមុខទំនិញ បើតាមត្រាក់ទ័រគេយក១០ម៉ឺនរៀល ក៏ប៉ុន្តែពុំមានសរសេរវិក័យបត្រ័ ឬវីញ៉ែតបង់ពន្ធទេ គ្រាន់តែដើរមើលមុខទំនិញហើយទាលុយតែម្តង។
ការបែកធ្លាយករណីមនុស្សឈរទាប្រាក់អ្នកដឹកទំនិញនេះកើតឡើង នាព្រឹក ថ្ងៃទី០៧ ខែកក្កដា ឆ្នាំ២០២០ នៅជិតច្រកទ្វាព្រំដែនទ្វេភាគីបុសមន ឃុំបុសមនស្រុករំដួល ខេត្តស្វាយរៀង។
ករណីខាងលើនេះ ដែរអ្នកសារព័ត៌មានយើងមិនអាចទំនាក់ទំនងសុំការបំភ្លឺពី លោក ឃុត សាលីន ប្រធានការិយាល័យគយ និងរដ្ឋាករបុសមន បានទេរហូតដល់រសៀល ថ្ងៃទី៧ ខែកក្កដា នេះ ដោយទូរសព្ទ័ចូល០៣ដង ទូរសព្ទ័ជាប់រវល់។
ក្រោយមកក៏មានស្រ្តីម្នាក់ស្លៀកសំលៀកបំពាក់ស៊ីវិលបានមកប្រាប់ថា មេមិនអាចឲ្យចូលជួបសំភាសបានទេ បើអ្នកសារព័ត៌មានគ្មានលិខិតបញ្ជាបេសកកម្មសុំជួបសម្ភាស។
ហើយខណៈនោះដែរអ្នកសារព័ត៌មានយើងបានសួរទៅស្ត្រីនោះដែរថាពួកខ្ញុំចង់សម្ភាសអំពីករណីក្រុមអាជីវករដឹកទំនិញតាមម៉ូតូ តាមម៉ូតូរ៉ឺម៉ក និងតាមត្រាក់ទ័រ ពួកគាត់រអ៊ូរទាំថា មានមនុស្សស្លៀកពាក់គ្មានឯកសណ្ឋានឈនៅខាងមុខការិយាល័យគយ និងរដ្ឋាករបុសមន ទាលុយពួកគេដែលដឹកអីវ៉ាន់បន្តិចបន្តួចតាមម៉ូតូ ក្នុង១ម៉ូតូ១ម៉ឺនរៀល ក្នុង១រ៉ឺម៉កម៉ូតូ ៤ម៉ឺនរៀល បើរ៉ឺម៉កម៉ូតូណាវែងដឹកមុខទំនិញចាប់ហួយ ឬតុ ទូ កៅអីជ័រ ពួក ដែកក្រឡាក្រួច ក្តាបកេ។ល។ ក្នុងមួយរ៉ឺម៉កចាប់ពី៨ម៉នរៀលទៅ១០ម៉ឺនរៀល បើដឹកតាមត្រាក់ទ័រមួយគ្រឿង១០ម៉ឺនរៀល និយាយទៅគឺគេមើលតាមមុខទំនិញ ដោយគ្មានសរសេវិក័យបត្រ័បង់ប្រាក់ទេ។
ចំណែកស្រ្តីម្នាក់ដែលមកជួបអ្នកសារព័ត៌មានយើងនោះអះអាងថារូបគាត់ជាមន្ត្រីគយ ហើយចំពោះមានអ្នកឈយកលុយនៅមុខការិយាល័យគយនិងរដ្ឋាករបុសមននោះក៏ជាមន្ត្រីគយដែរ គ្រាន់តែមិនបានពាក់សំលៀកបំពាក់ជាឯកសណ្ឋាន ហើយលុយកាក់បន្តិចបន្តួចពីអ្នកដឹកទំនិញតាមម៉ូតូ ឬតាមរ៉ឺម៉កនោះ គឺគេបង់ឲ្យគ្រាន់ថ្លៃបាយថ្លៃកាហ្វេ ធម្មតាប៉ុណ្ណោះ បើទំនិញដឹកតាមរថយន្តទើបមានវិក័យបត្រ័រាយមុខទំនិញបង់តាមបារ៉ែមគយ ហើយក៏មិនមិនអាចជម្រាបជូនអ្នកយកព័ត៌មានបានទេនេះជាជំនាញរបស់ស្ថាបន័៕
