ភ្នំពេញ ៖ កម្លាំងកងរាជអាវុធហត្ថខណ្ឌមានជ័យ ចុះធ្វើការឃាត់ខ្លួនជនសង្ស័យចំនួន១៦នាក់ ដកហូតបានថ្នាំញៀនជាច្រើនកញ្ចប់ ។
កាលពីវេលាម៉ោង២១និង៣០នាទីយប់ ថ្ងៃទី៧ ខែកក្កដា ឆ្នាំ២០២០ ចំណុចផ្ទះបើក ណេត មួយកន្លែងភូមិឬស្សី៣ ក្រុមទី១៧ សង្កាត់ ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
ក្នុងនោះដោយមានការចូលរួមសហការ ជាមួយកម្លាំងការិយាល័យគ្រឿងញៀន អាវុធហត្ថរាជធានីភ្នំពេញ ដែលដឹកនាំដោយ លោកវរសេនីយ៍ទោ ប៉ាន សុភាព ជានាយការរិយាល័យ ដឹកនាំចុះបង្ក្រាបជាក់ស្តែង និងឃាត់ខ្លួនបានជនសង្ស័យ១៦នាក់ ស្រី០៤នាក់។
ក្នុងនោះដកហូតបាន វត្ថុតាង ក្រាមស ថ្លាចំនួន ៥ កញ្ចប់សង្ស័យជាគ្រឿងញៀន ។
បច្ចុប្បន្នជនសង្ស័យរួមទាំងវត្ថុតាងត្រូវបានបញ្ជូនទៅការិយាល័យជំនាញគ្រឿងញៀនកងរាជអាវុធហត្តរាជធានីភ្នំពេញដើម្បីចាត់ការតាមនិតិវិធីច្បាប់បន្តទៀត ៕
