បន្ទាយមានជ័យ ៖ នៅរសៀល ថ្ងៃពុធ ១០ រោច ខែអាសាឍ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី១៥ ខែកក្កដា ឆ្នាំ២០២០ អាជ្ញាធរ ក្រុងប៉ោយប៉ែត បានប្រារព្ធពិធីបើកការដ្ឋានសាងសង់ផ្លូវបេតុង ប្រវែងសរុប ២២៥ ម៉ែត្រ ទទឹង៨ ម៉ែត្រជ កម្រាស់ ០,១៥ ម៉ែត្រ ជាផ្លូវសហព័ន្ធ រវៀងសង្កាត់ប៉ោយប៉ែត និងសង្កាត់ផ្សារកណ្ដាល ចំណុចព្រំប្រទល់ ភូមិមិត្តភាព និងភូមិប្រជាធម្មលិច ជាគម្រោងមូលនិធិ សង្កាត់ទាំង២ ក្នុងឆ្នាំ ២០២០។
ពិធីនេះប្រព្រឹត្តទៅក្រោមអធិបតីភាព លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត
និងមានការចូលរួមជាភ្ញៀវកិត្តិយសពីសំណាក់ លោក ហ៊ុល សេងហាប់ លោក ស្រិល អិន ចៅសង្កាត់ផ្សារកណ្ដាល លោក វ៉ា ជឹមណារ៉េត ចៅសង្កាត់រងទី១នៃសង្កាត់ប៉ោយប៉ែត លោក ប៊ុន សុវុទ្ធា សមាជិកក្រុមប្រឹក្សាសង្កាត់ប៉ោយប៉ែត លោក សំ វណ្ណី សមាជិកក្រុមប្រឹក្សាសង្កាត់ផ្សារកណ្ដាល លោក លោកស្រី ចៅសង្កាត់រង មេភូមិ អនុភូមិ មន្រ្តីបច្ចេកទេសទីចាត់ការផែនការ វិនិយោគខេត្ត តំណាងការិយាល័យផែការ គាំទ្រសង្កាត់ សមាជិកសមាជិកាក្រុមប្រឹក្សាសង្កាត់ បងប្អូនប្រជាពលរដ្ឋ ជាច្រើននាក់ផងដែរ ។
នៅក្នុងឱកាស ពិធីបើកការដ្ឋានសាងសង់ផ្លូវ នេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ក៏មានមតិជួបសំណេះសំណាល ក្នុងអង្ករពិធីក្នុងការ យកចិត្តសាងសង់ហេដ្ឋារចនាសម្ព័ន្ធ ដែលជាតម្រូវការអាទិភាពសម្រាប់ប្រើប្រាស់នៅមូលដ្ឋានគឺទទួលបានជោគជ័យនិងមានប្រសិទ្ធភាព។
សូមបញ្ជាក់ថាទិសដៅការងារឆ្នាំ ២០២០ ក្រោមការដឹកនាំរបស់ ឯកឧត្តម នាយឧត្តមសេនីយ៌ ឧបនាយករដ្ឋមន្រ្តី កែ គឹមយ៉ាន ជាប្រធានក្រុមការងារចុះជួយខេត្តបន្ទាយមានជ័យ និង ឯកឧត្ដម អ៊ុំ រាត្រី អភិបាលនៃគណៈអភិបាលខេត្ត បានកំណត់យកការងារសាងសង់ផ្លូវ ជាការងារអាទិភាព ដើម្បីស្ដារហេដ្ឋារចនាសម្ព័ន្ធ ការកែលម្អសោភ័ណភាព និងបរិស្ថាន ដើម្បីត្រៀមរួមចំណែក ទទួល ផ្ការំដួល៣ទង ។
ជាចុងបញ្ចប់ លោក គាត ហ៊ុល លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត សូមសំដែងនូវការអរគុណនូវស្មារតីរបស់បងប្អូនរស់នៅតាមដងផ្លូវនេះ បានចូលរួមអនុវត្តតាមការជូនដំណឹងរបស់អាជ្ញាធរ ក្នុងការពង្រីកផ្លូវ នេះ ផងដែរ ៕ ដោយ៖លោកចាន់ ពុធ
