ខេត្តកំពង់ចាម ៖ នៅថ្ងៃទី១៦ ខែកក្កដា ឆ្នាំ២០២០ បន្ទាប់ពីទទួលបានព័ត៌មានពីប្រជាពលរដ្ឋភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់បញ្ជាឱ្យ កម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញស្រុកព្រៃឈរ ស្រុកជើងព្រៃ និងស្រុកបាធាយ ដឹកនាំដោយលោកវរសេនីយ៍ឯក ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បើកកិច្ចប្រតិបត្តិការចុះបង្រា្កបករណីជួញដូរ ដោយខុសច្បាប់នូវសារធាតុញៀនបាន ០២ករណីដោយប្រើវិធានញុះញង់ និងវិធានរដ្ឋបាលចំហរ ឃាត់ខ្លួនជនសង្ស័យចំនួន០៦នាក់ ៖
១.ឈ្មោះ យ៉េន ដាណេត ភេទប្រុស អាយុ ២១ឆ្នាំ ជនជាតិខ្មែរ មានទីលំនៅភូមិខ្វិតតូច ឃុំជ្រៃវៀន ស្រុកព្រៃឈរ ខេត្តកំពង់ចាម ។
២.ឈ្មោះ ម៉ាប់ រតនា ភេទប្រុស អាយុ ២៤ឆ្នាំ ជនជាតិខ្មែរ មានទីលំនៅភូមិអង្គរបានទី៧ ឃុំអង្គរបាន ស្រុកកងមាស ខេត្តកំពង់ចាម ។
៣.ឈ្មោះ ឆែម ភារម្យ ភេទប្រុស អាយុ២៤ឆ្នាំ ជនជាតិខ្មែរ រស់នៅភូមិប្រសូត(ខ) ឃុំជើងព្រៃ ស្រុកបាធាយ ខេត្តកំពង់ចាម។
៤.ឈ្មោះ គង់ គីមហាវ ភេទប្រុស អាយុ២២ឆ្នាំ ជនជាតិខ្មែរ រស់នៅភូមិតាំងថ្លើង ឃុំមេព្រីង ស្រុកបាធាយ ខេត្តកំពង់ចាម។
៥.ឈ្មោះឆុន ឆាន ភេទប្រុស អាយុ៣១ឆ្នាំ ជនជាតិខ្មែរ រស់នៅភូមិប្រសូត(ខ) ឃុំជើងព្រៃ ស្រុកបាធាយ ខេត្តកំពង់ចាម។
៦.ឈ្មោះ ជ សុផាយ ភេទប្រុស អាយុ ៣១ឆ្នាំ ទីលំនៅភូមិប្រសូត្រ(ក) ឃុំជើងព្រៃ ស្រុកបាធាយ ខេត្តកំពង់ចាម ។
ក្នុងកិច្ចប្រតិបត្តិការនេះដែរ បានធ្វើការដកហូតវត្ថុតាងរួមមាន៖ ម្សៅក្រាមពណ៌សសង្ស័យជាថ្នាំញៀនចំនួន៣៩កញ្ចប់ ទូរស័ព្ទដៃចំនួន ០២គ្រឿង។ បច្ចុប្បន្នជនសង្ស័យរួមនឹងវត្ថុតាងត្រូវបានឃាត់ខ្លួននិងរក្សាទុកដើម្បីកសាងសំណុំរឿងតាមនីតិវិធី៕
