ក្រុងប៉ោយប៉ែត ៖ នៅព្រឹកថ្ងៃចន្ទ ៦ កើត ខែភទ្របទ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី២៤ ខែសីហា ឆ្នាំ២០២០ នេះ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត រួមដំណើរ ដោយ លោក អ៊ុយ ច័ន្ទរិទ្ធ សមាជិកអចិន្ត្រៃយ៍គណបក្សក្រុង និងជាប្រធានយុវជនក្រុងប៉ោយប៉ែត • លោក ចែម លក្ខិណា អ្នកគ្រប់គ្រងគ្រឿងចក្រកងវិស្វកម្មតេជោសៀមរាបប្រចាំក្រុងប៉ោយប៉ែត តំណាង លោក សូ ចាន់ណារី ជំនួយការ ឯកឧត្ដម នាយឧត្តមសេនីយ៏ខេង សុមេធ មេបញ្ជាការកងវិស្វ័កម្មតេជោហ៊ុន សែនសៀមរាប • លោក វ៉ា ជឹមណារ៉េត ចៅសង្កាត់រងទី១ នៃសង្កាត់ប៉ោយប៉ែត • លោក ហាក់ កុសល ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈក្រុង • ម៉ែន សិរីរិទ្ធ មន្ត្រី ការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈក្រុង • លោក ជុំ វណ្ណា មន្ត្រីរដ្ឋបាលក្រុង • លោក សាន់ អែលម៉ាត់ ចៅសង្កាត់រងប៉ោយប៉ែត • លោក សុខ កុយ មេភូមិទួលប្រាសាទ និងក្រុមការងារ ភូមិ សង្កាត់ បាន ចុះមកពិនិត្យ គ្រឿងចក្រ កំពុង ស្ថាបនា ផ្លូវថ្មមិច ជូនប្រជាពលរដ្ឋ ក្នុងភូមិ ទួលប្រាសាទ និង ភូមិទំនប់ក៥ ភ្ជាប់ពីផ្លូវជាតិ៥៨ទៅភូមិទំនប់ក៥កាត់ តាមភូមិទួលប្រសាទ ។
សូមបញ្ជាក់ថា ផ្លូវមួយខ្សែ ដែលកំពុងស្ថាបនាក្រាលថ្មមិច ក្នុងភូមិ ទួលប្រាសាទ និង ភូមិទំនប់ក៥ នៅថ្ងៃនេះ ចំពោះ រឿងចក្រ គឺលោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ជាអ្នកឧបត្ថម គ្រឿងចក្រ២ឈុត ចំនួន៤គ្រឿង និងថ្មមិច ហើយនៅថ្ងៃ លោក សូ ចាន់ណារី ជំនួយការ ឯកឧត្ដម នាយឧត្តមសេនីយ៏ខេង សុមេធ មេបញ្ជាការកងវិស្វ័កម្មតេជោហ៊ុន សែនសៀមរាប បានជួយចូលរួម ឧបត្ថម្ភ ថ្មមិចចំនួន១៨ឡានធំ ផងដែរ ។ ដោយ ៖លោកចាន់ពុធ
