ខេត្តស្វាយរៀង៖នៅព្រឹកថ្ងៃអង្គារ៍៧កេីតខែភទ្របទឆ្នាំជូតទោស័កព.ស២៥៦៤ត្រូវនឹងថ្ងៃទី២៥ខែសីហាឆ្នាំ២០២០ លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានអញ្ជើញចូលរួមជាគណ:អធិបតី បេីកការដ្ឋាន ផ្លូវដីក្រាលថ្មរបំបែកដែលមានប្រវែង២៧០០ម៉ែត្រ នៅស្ថិតនៅភូមិដូនទៃ ឃុំទូលស្តី ស្រុកចន្ទ្រា ខេត្តស្វាយរៀង ដែលប្រើប្រាស់ថវិកាមូលនិធិឃុំទូលស្តីឆ្នាំ ២០២០។
ក្នុងពិធីនេះបើកការដ្ឋានមានការអញ្ជើញចូលរួម:លោកអភិបាលរងស្រុក មន្ត្រីរសាលាស្រុកចន្ទ្រា លោកមេឃុំ ក្រុមប្រឹក្សាឃុំទូលស្តី លោកមេភូមិ អនុ និងជំនួយការភូមិដូនទៃ លោកតំណាងក្រុមហ៊ុន ព្រមទាំងប្រជាពលរដ្ឋ សរុប២៨នាក់ ស្រី០៩នាក់។
មានប្រសាសន៍ក្នុងពិធីការការដ្ឋានផ្លូវលោក ថន ថាវុទ្ទា អភិបាល នៃគណ:អភិបាលស្រុកចន្រ្ទា បានសំណូមពរឲ្យក្រុមហ៊ុនធ្វើផ្លូវគោរពតាមការណែនាំតាមកិច្ចសន្យាដែលបានទិញថ្លៃរួច និងបានសំណូមពរឱ្យប្រជាពលរដ្ឋរស់នៅអមសងខាងផ្លូវត្រូវចេះសំអាតអនាម័យនៅថែរក្សាផ្លូវថ្មីដែលកំពុងតែកសាងនេះ ឱ្យបានល្អស្អាតនិងគង់វង្ស បានសំណូមពរដល់បងប្អូនប្រជាពលរដ្ឋកុំឲ្យចាក់ដីខ្ពស់ជាងផ្លូវធ្វើឲ្យផ្លូវខូច ។
ឆ្លៀតក្នុងឱកាសនោះដែរ លោក ថន ថាវុទ្ធា អភិបាលស្រុកចន្ទ្រាក៏បានសំណុំពរឱ្យប្រជាពលរដ្ឋគ្រប់រូប ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការ ឆ្លងរីករាលដាលនៃជំងឺកូវីដ១៩ នៃរលកទី២ ដោយគោរព និងអនុវត្តឱ្យ បានខ្ជាប់ខ្ជួន នូវគោលការណ៍ រក្សាគម្លាតសង្គម និងវិធានការនានា តាមការនែនាំរបស់ក្រសួងសុខាភិបាល និងសូមឱ្យប្រជាពលរដ្ឋ ទាំងអស់គ្នា ត្រូវបង្កើនការផលិតផ្នែកកសិកម្ម តាមរយៈការដាំដុះ ការ ចិញ្ចឹមសត្វ ជាដើម ចំណែកឯអាជ្ញាធរត្រូវតែពង្រឹងឱ្យមានប្រសិទ្ធិភាព។
បញ្ចប់កម្មវិធីប្រជាពលរដ្ឋរស់នៅក្នុងភូមិដូនទៃថ្លែងអំណរអរគុណជូនលោកអភិបាលស្រុក លោកឃុំ ក្រុមប្រឹក្សាឃុំ មេភូមិដែលបានជួយផ្លូវជូនយើងខ្ញុំ យើងខ្ញុំនឹងសន្យាជួយថែរក្សាបានគង់វង្សល្អ៕
