ភ្នំពេញ ៖ ដោយមានការយកចិត្តទុកដាក់លើសុខភាពបងប្អូនប្រជាពលរដ្ឋនៅក្នុងមូលដ្ឋាន និងដើម្បីចូលរួមទប់ស្កាត់ការរីករាលដាលជំងឺកូវីដ-១៩នៅក្នុងសហគមន៍ លោក ហែម សារិទ្ធ អភិបាលនៃគណៈអភិបាលស្រុកស្វាយជ្រំបានដឹកនាំក្រុមការងារជំនាញចុះបាញ់ថ្នាំសម្លាប់មេរោកូវីដ-១៩ នៅតំបន់មួយចំនួនដែលមានហានិភ័យនៃឃុំដូនសស្ថិតនៅមូលដ្ឋានស្រុកស្វាយជ្រំកាលពីថ្ងៃទី២៨ ខែឧសភា ឆ្នាំ២០២១ ។
តំបន់មួយចំនួនដែលបានបាញ់សម្លាប់មេរោគនៃឃុំដូនសរួមមាន៖ ទី១-ប៉ុស្តិ៍រដ្ឋបាលឃុំដូនស ,ទី៣- មណ្ឌលសុខភាពដូនស ,ទី៤- វិទ្យាល័យដូនស, ទី៥- ផ្សារដូនសទាំង សងខាង ,ទី៦- ធនាគារអេស៊ីលីដានៅឃុំដូនស ,ទី៧- អម្រឹតនៅឃុំដូនស,ទី៨- ផ្ទះអ្នកមានវិជ្ជមានកូវីដ19 ។
គួរំលឹកផងដែរថា៖ កាលពីថ្ថៃទី២២ ខែឧសភាឆ្នាំ២០២១ បន្ទាប់ពីបានរកឃើញករណីវិជ្ជមាន កូវិដ-១៩លើឈ្មោះ ឆាន់ សាំ ភេទប្រុស អាយុ៧១ឆ្នាំ ជាអាជីវករផ្សារដូនស ក្រុមការងារស្រុកសហការជាមួយអាជ្ញាធរឃុំចុះរុករកស្រាវជ្រៀវ អ្នកប៉ះពាល់ផ្ទាល់និងប្រយោលចំនួន១២០នាក់ នៅថ្ងៃទី២៤ ខែឧសភា ឆ្នាំ២០២១ ក្រុមគ្រូពាទ្យបានចុះយកសំណាក ហើយបានរកឃើញវិជ្ជមានកូវីដ-១៩ចំនួន៥នាកបន្ថែមទៀត ដូច្នេះរដ្ឋបាលស្រុកស្វាយជ្រំក៏បានធ្វើការបិទដំណើរការតូបលក់ដូរផ្សាដូនសជាបន្តោះអាសន្នរយៈពេល ១៤ថ្ងៃ គឺចាប់ពីម៉ោងសូន្យ ថ្ងៃទី២៥ ខែឧសភា ដល់ ថ្ងៃទី០៧ ខែមិថុនា ឆ្នាំ២០២១ ដើម្បីចូលរួមបង្ការនិងទប់ស្កាត់ការឆ្លងរីករាលដាលនៃជំងឺកូវីដ-១៩ ចូលក្នុងសហគមន៍បន្តទៀត។
ឆ្លៀតក្នុងឱកាសនោះ លោក ហែម សារិទ្ធ អភិបាលនៃគណៈអភិបាលស្រុកស្វាយជ្រំសូមអំពាវនាវដល់បងប្អូនប្រជាពលរដ្ឋទាំងអស់ចូលរួមទប់ស្កាត់ការរីករាលដាលនៃជំងឺកូវីដ-១៩នៅក្នុងសហគមន៍ ដោយអនុវត្តឱ្យបានខ្ជាប់ខ្ជួនតាមការណែនាំរបស់ក្រសួងសុខាភិបាលដោយឧស្សាហ លាងដៃនឹងសាប៊ូ ជែល ឬអាកុល ពាក់ម៉ាស រក្សាគម្លាតសង្គម និងវិធានការ ៣ការពារ ៣កុំ ដែលបានដាក់ចេញដោយរាជរដ្ឋាភិបាល៕
