ខេត្តបន្ទាយមានជ័យ៖នៅព្រឹកថ្ងៃសុក្រ ២ រោច ខែជេស្ឋ ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី២៨ ខែឧសភា ឆ្នាំ២០២១នេះ លោក គាត ហ៊ុល អភិបាលក្រុងប៉ោយប៉ែត ដឹកនាំក្រុមការងារ នាំយកស្បៀងអាហារផ្តល់ជូនពលរដ្ឋចំនួន១៣៣គ្រួសារដែលកំពុងធ្វើចត្តាឡីស័កក្នុងតំបន់បិទខ្ទប់ បុរីធីធី ស្ថិតក្នុង ភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
រដ្ឋបាលក្រុងនៅតែបន្តចែកជូន គ្រឿងឧបភោគ បរិភោគជូនដល់ប្រជាពលរដ្ឋ ក្នុងកាលៈទេសៈនៃការរីករាលដាលនៃជំងឺឆ្លងកូវីដ១៩ ជាពិសេស បងប្អូនប្រជាពលរដ្ឋកំពុងធ្វើចត្តាឡីស័កនៅតាមតបន់បិទខ្ទប់ជាដើម និងរហូតមកដល់ពេលនេះគឺបានផ្តល់ជូនប្រមាណជាង៥០០០គ្រួសាររួចមកហើយ។
សូមចូលរួមប្រយុទ្ធប្រឆាំង និងទប់ស្កាត់ការឆ្លងរីករាលដាលជំងឺកូវីដ-១៩ ដោយអនុវត្តឱ្យបានខ្ជាប់ខ្ជួននូវវិធានការសុខាភិបាល និងវិធានការរបស់រាជរដ្ឋាភិបាល ជាពិសេសរួមគ្នាអនុវត្ត «៣ការពារ និង៣កុំ» ដេីម្បីការពារខ្លួនយេីង គ្រួសារយេីង សង្គមជាតិយេីង និងប្រជាជនយេីង។ដោយ,លោកចាន់ពុធ
