ក្រុងប៉ោយប៉ែត ៖ នៅរាត្រីថ្ងៃសៅរ៍ ២កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ០៦ខែវិច្ឆិកាឆ្នាំ២០២១ នេះដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាល ខេត្តបន្ទាយមានជ័យ នឹងអនុវត្តបញ្ជាផ្ទាល់ពី លោកវរសេនីយ៍ឯក សៅ សារឿន អធិការ នគរបាលក្រុងប៉ោយប៉ែត លោកអនុសេនីយ៍ឯក សួន ស៊ីម៉ាប់ នាយប៉ុស្តិ៍ រដ្ឋបាលសង្កាត់ប៉ោយប៉ែត ដឹកនាំកម្លាំងប៉ុស្តិ៍រដ្ឋបាល ចុះធ្វើការនៅពេលរាត្រី ចុះរៀបចំសណ្ដាប់ធ្នាប់នៅលើដងផ្លូវដើមពុទ្រានឹងលើដងផ្លូវផ្សេងៗមួយចំនួនទៀត។
សូមបញ្ជាក់ថា៖នៅចំណុចផ្លូវដើមពុទ្រាកក់ស្ទះជារៀងរាល់ថ្ងៃទាំងថ្ងៃទាំងយប់ *លោកអនុសេនីយ៍ឯក សួន ស៊ីម៉ាប់ នាយប៉ុស្តិ៍ រដ្ឋបាលសង្កាត់ប៉ោយប៉ែត ដឹកនាំកម្លាំងប៉ុស្តិ៍ ចុះធ្វើការណែនាំដល់អាជីវករលក់ដូរសងខាងដងផ្លូវដើមពុទ្រាត្រូវ រក្សាគម្លាត និងលក់ដូរឲ្យមានរបៀបរៀបរយកុំដាក់លក់នៅលើចិញ្ចើមផ្លូវជៀសវាងការកក់ស្ទះនឹងខ្លាចមានគ្រោះថ្នាក់ជាយថាហេតុកើតឡើង ផ្លូវដើមពុទ្រា ស្ថិតនៅក្នុងភូមិក្បាលស្ពាន ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
នៅពេលនោះ ៖លោកអនុសេនីយ៍ឯក សួន ស៊ីម៉ាប់ នាយប៉ុស្តិ៍រដ្ឋបាលសង្កាត់ប៉ោយប៉ែតក៏បន្តដឹកនាំកម្លាំងដើរល្បាត ដើម្បីទប់ស្កាត់រាល់បទល្មើសគ្រប់ប្រភេទនៅក្នុងភូមិសាស្រ្តប៉ុស្តិ៍រដ្ឋបាល សង្កាត់ប៉ោយប៉ែតផងដែរ។
ក្នុងឱកាសនោះដែរ៖លោកអនុសេនីយ៍ឯក សួន ស៊ីម៉ាប់ នាយប៉ុស្តិ៍ រដ្ឋបាលសង្កាត់ប៉ោយប៉ែត ក៏អំពាវនាវ ដល់បងប្អូន ប្រជាពលរដ្ឋ ត្រូវ គោរពតាមការណែនាំរបស់ ក្រសួងសុខាភិបាល ត្រូវរក្សាគម្លាត មិនអោយមានការជួបជុំប្រមូលផ្ដុំគ្នា ផឹកស៊ី ដើម្បីទប់ស្កាត់ ការរីករាលដាលនាំជំងឺ កូវិដ១៩ ជាពិសេស ជំងឺបំប្លែវ ប្រភេទថ្មីដែលតា (Delta)សូមពុកម៉ែ បងប្អូនទាំងអស់រក្សានូវវិធានការ(៣កុំ ៣ការពារ) ផងដែ។
ដោយ៖លោកចាន់ពុធ
