ខេត្ដកំពង់ចាម៖ ល្បែងសុីសងជល់មាន់និងអាប៉ោង បានកំពុងនិងលួចលាក់លេងដំណើការរាល់ថ្ងៃ នៅម្តុំផ្លូវអូសួន នៅភូមិស្រែវាល ឃុំមេសរជ្រៃ ស្រុកស្ទឹងត្រង់ ខេត្តកំពង់ចាម យ៉ាងរលូនមិនរំខានដល់ អាជ្ញាធរមានសមត្ថកិច្ចនៅក្នុងមូលដ្ឋាននោះឡើយ។
យោងតាមប្រភពពីអ្នកចេញចូលលេងល្បែងសុីសងជល់មាន់និងអាប៉ោង ថា ម្ចាស់ទីតាំងជល់មាន់និងអាប៉ោង នេះមានខ្នងបង្អែកចាំជួយនៅពីក្រោយខ្សែខ្នង អ្នកធំៗ ទៀតផង ហើយអាជ្ញាធរមានសមត្ថកិច្ចនៅក្នុងមូលដ្ឋានមិនហ៑ានប៉ះនោះទេ ពោលគឺលេងដោយសុវត្ថិភាព។
ប្រជាពលរដ្ឋដាក់ការសង្ស័យថាសមត្ថកិច្ចប្រហែល ខ្លាចអំណាចម្ចាស់ទីតាំងហេីយមេីលទៅបានជាបណ្ដែតបណ្ដោយឲ្យលេងបានយ៉ាងរលួនបែបនេះ។
ប្រជាពលរដ្ឋសម្ដែងការមិនសប្បាយចិត្តដែលក្នុងភូមិ ឃុំ ស្រុកមានល្បែងស៊ីសងបែបនេះ ហើយពួកគាត់ខ្លាចមានអំពើចោរកម្មដូចជា លួច ឆក់ ប្លន់ជាដើម។ល។
ប្រជាពលរដ្ឋបានបន្តទៀតថា៖
ចុះឯណាទៅ លក្ខណៈភូមិ ឃុំ សវត្ថភាពទាំង៩ចំណុច របស់អាជ្ញាធរមានសមត្ថកិច្ច។
ពាក់ព័ន្ធរឿងល្បែងសុីសងជល់មាន់និងអាប៉ោងខាងលើសារព័ត៌មានយើងបានទំនាក់ទំនងទៅ លោកឯម វឌ្ឍនា អធិការស្រុកស្ទឹងត្រង់ តាមប្រព័ន្ធអេឡិចត្រូនិច(WhatsApp)លោកមើលហើយតែមិនឆ្លើយតបសូម្បីតែមួយម៉ាត់។
ពាក់ព័ន្ធនឹងករណីខាងលើនេះផងដែរប្រជាពលរដ្ឋមានសង្ឃឹមជឿជាក់លើឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាមកន្លងមកលោកតែងតែបញ្ជាឲ្យកងកម្លាំងទាំងបីប្រភេទយកចិត្តទុកដាក់ការពារសន្តិសុខសណ្តាប់ធ្នាប់និងត្រូវបង្ក្រាប់ល្បែងសុីសង់គ្រប់ប្រភេទនៅក្នុងមូលដ្ឋានឲ្យអស់ ដើម្បីឲ្យស្របតាមគោលនយោបាយភូមិ ឃុំ មានសុវត្ថិភាព ដែលបានដាក់ចេញដោយរាជរដ្ឋាភិបាល។
កន្លងមកមានទីតាំងមួយចំនួនដែលបង្កប់ល្បែងស៊ីសង ក្នុងមូលដ្ឋានខេត្ដកំពង់ចាម គេសង្កេតឃើញអាជ្ញាធរពាក់ព័ន្ធតែងតែចុះបង្ក្រាប ប៉ុន្តែផ្ទុយទៅវិញនៅមានទីតាំង បើកលួចលាក់ល្បែងសុីសងខុសច្បាប់មួយចំនួនទៀតនៅក្នុងមូលដ្ឋានខេត្ដកំពង់ចាម មិនទាន់ឃើញបង្ក្រាបនៅឡើយនោះទេ ។
ជុំវិញករណីខាងលើនេះដែរប្រជាពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ក្នុងខេត្ដកំពង់ចាម មេត្តាចុះពិនិត្យ និងបង្ក្រាបទីតាំងល្បែងសុីសងជល់មាន់និងអាប៉ោងខុសច្បាប់ទាំងនេះផងទាន ។
អង្គភាពសារព័ត៌មានយើងរង់ចាំបកស្រាយបំភ្លឺពីអាជ្ញាធរពាក់ព័ន្ធឬសមុីភាគីពាក់ព័ន្ធទាំង អស់រៀងរាល់ម៉ោងធ្វើការ៕
