ស្វាយរៀង ៖ លោកស្រី ពៅ បណ្តាំ មេឃុំតាសួស បានសហការជាមួយមន្ត្រី បរិស្ថាន អ្នកប្រមូលសំរាម ដឹកនាំ មេភូមិ អនុភូមិ សមាជិកភូមិ ប្រជាការពារភូមិ យុវជន ស ស យ ក ចូលរួមសម្អាតបរិស្ថានតាមដងផ្លូវជាតិលេខ១ចាប់ពីចំណុច សាលាស្រុកស្វាយជ្រំ ដល់ចំណុច ភូមិព្នៅ ក្នុងមូលដ្ឋានឃុំតាសួស ស្រុកស្វាយជ្រំ ខេត្តស្វាយរៀងនៅថ្ងៃទី២២ ខែវិច្ឆកា ឆ្នាំ២០២២។
បរិស្ថានស្អាតផ្តើមចេញពីយើងទាំងអស់គ្នា សំណូមពរដល់បងប្អូនប្រជាពលរដ្ឋខ្មែរទាំងអស់ចេះស្រលាញ់បរិស្ថាន ចូលរួមការពារបរិស្ថាន ដើម្បីខ្លួនយើង គ្រួសារយើង និងសង្គមជាតិយើងផងដែរ ។
ក្នុងឱកាសនោះ លោកស្រីមេឃុំ សូមអំពាវនាវឲ្យបងប្អូនជនរួមជាតិយើង សូមចូលរួមក្នុងកិច្ចគាំពារបរិស្ថាន តាមសមត្ថភាព លទ្ធភាព និងភារកិច្ចជំនាញរបស់ខ្លួន ហើយសូមស្វែងយល់អំពីបញ្ហាបរិស្ថានឲ្យបានស៊ីជម្រៅ និងចូលរួមក្នុងការងារបរិស្ថានទាំងអស់គ្នា សូមមានការយល់ដឹង ប្រកបដោយវិចារណញ្ញាណ និងមនសិការខ្ពស់ ឈប់បំផ្លាញ់បរិស្ថាន ទោះដោយចេតនាក្តី ឬអចេតនាក្តី ក្នុងក្តីរំពឹងរបស់អ្នកជំនាន់ក្រោយ រស់នៅដោយផាសុកភាព សំបូរសប្បាយរុងរឿង និងសុភមង្គល ដើម្បីមុខមាត់ការរីកចំរើនស្រុករបស់យើងទាំងអស់គ្នា ៕
