ខេត្តស្វាយរៀង៖ ផ្លូវជាតិលេខ១ឆ្ពោះទៅក្រុងបាវិតខេត្តស្វាយរៀងនៅចន្លោះគីឡូម៉ែត្រលេខ១៤៤/១៤៥ មានដីធ្លាក់រាយប៉ាយពាសពេញផ្លូវស្របពេលដែលមេឃបានធ្លាក់ភ្លៀងងាយនឹងបង្ករគ្រោះថ្នាក់ដោយសារអាចនឹងរអិលចំពោះយាន្តយន្តគ្រុបប្រភេទ។
យោងតាមប្រភពពីប្រជាពលរដ្ឋបានឲ្យដឹងថាមូលហេតុដែលមានដីធ្លាក់រាយប៉ាយពាសពេញថ្នល់ និង ផ្លូវមួយចំនួនត្រូវបានខូចគឺបណ្តាលមកពីក្រុមរថយន្តធន់ធំដឹកដីចេញពីបឹងក្វាង ភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង ដែលគេស្គាល់ថាជាក្រុមហ៊ុនរបស់លោកឧកញ៉ា តាយ សេង ។
ពលរដ្ឋបានលើកឡើងថាក្រុមហ៊ុនបានជីកកាយយកអាចម៌ដីខាងលើក្រោមហេតុផលស្តារបឹងក្វាង ហើយយកអាចម៌ដីទៅលក់ក្នុងតម្លៃ$30ក្នុងមួយរថយន្ត ដោយមិនខ្វល់ពីអាចម៌ដីដែលធ្លាក់ពាសពេញថ្នល់ និង ផ្លូវមួយចំនួនត្រូវបានខូចសឹងទាំងស្រុង ក្រុមហ៊ុនគិតតែពីផលប្រយោជន៍ផ្ទាល់ខ្លួន មិនខ្វល់ពីផលប៉ះពាល់និងគ្រោះថ្នាក់ដល់មហាជនដែលធ្វើដំណើរឆ្លងកាត់ផ្លូវខាងលើ ចំណែកអជ្ញាធរក្រុងបាវិតហាក់ដូចជាមើលមិនឃើញទាល់តែសោះពីបញ្ហាដែលមិនមានទំនួលខុសត្រូវក្នុងការដឹកជញ្ចូនអាចម៌ដីយកទៅលក់របស់ក្រុមហ៊ុនលោកឧកញ៉ា តាយ សេង ។
ក្រោយទទួលការសំណូមពរពីប្រជាពលរដ្ឋក្នុងមូលដ្ឋានខាងលើឲ្យជួយផ្សព្វផ្សាយពីផលប៉ះពាល់ពីការដឹកយកអាចម៌ដីចេញពីបឹងក្វាង ដែលជាហេតុនាំឲ្យខូចខាតផ្លូវថ្នល់ធ្វើឲ្យពលរដ្ឋពិបាកក្នុងការធ្វើដំណើរ
អ្នកសារព័ត៌មានមួយក្រុមក៍បានចុះទៅដល់ទីតាំងស្វែងរកម្ចាស់ក្រុមហ៊ុនខាងលើ ដើម្បីសំសម្ភាសន៍និងប្រាប់ពីទុកកង្វល់បងប្អូនប្រជាពលរដ្ឋ តែបែជាមានរថយន្តសេរីទំនើបម៉ាក ហ្វ៉ត ពណ៌ ទឹកក្រូច ពាក់ស្លាកលេខ ភ្នំពេញ BJ 4447 បើកឌិញបុកអ្នកសារពណ៌មានបង្ករឲ្យមានភាពភ័យខ្លាចនិងតក់ស្លត់យ៉ាងខ្លាំង។
ក្រុមអ្នកសារព័ត៌មានខាងលើក៍បានហៅទូរសព្ទទៅលោក លឹម សៀងហេង អភិបាលក្រុងបាវិត លោកបានផ្តល់ព័ត៌មានតាមរយៈទូរសព្ទថារថយន្តដែលដឹកយកអាចដីចេញពីបឹងក្វាងគឺជាក្រុមហ៊ុនរបស់លោកឧកញ៉ា តាយ សេង ហើយក្រុមហ៊ុនមានលិខិតអនុញ្ញាតពីក្រសួង ធនធានទឹក និង ឧតុនិយម តែក្រុមអ្នកសារព័ត៌មានដែលបានចុះទៅដល់ទីតាំងខាងលើកាលពីថ្ងៃទី ១៩ ខែវិច្ឆិកា ឆ្នាំ២០២២ ហើយបានហៅទូរសព្ទទៅលោក គឹម សាវុធ ប្រធានមន្ទីធនធានទឹក និង ឧតុនិយម តែមិនអាចទាក់ទងបាន ក៍បន្តហៅទូរសព្ទទៅលោក ប៉ាត់ សាក់ លោកប៉ាត់ សាក់ ប្រធានការិល័យធនធានរ៉ែនៃមន្ទីររ៉ែនិងថាមពល លោកបានប្រាប់តាមទូរសព្ទថានេះជាគម្រោងរបស់ខេត្តអញ្ចឹងសូមសួរទៅអជ្ញាធរភូមិសង្កាត់ក្រុងនិងខេត្តព្រោះមិនមានការស្នើសំពីមន្ទីរ៉ែនិងថាមពលនោះទេ ដូចឆ្នេះការកាយស្តារយកអាចម៌ដីជម្រៅណាគឺសួរទៅខេត្តស្វាយរៀងចុះ។
អង្គភាពសារព័ត៌មានយើងខ្ញុំនៅមិនទាន់ទទួលបានព័ត៌មានជាក់លាក់ពីអជ្ញាធរដែលពាក់ព័ន្ធនៅឡើយថាតើក្រុមហ៊ុនរបស់លោកឧកញ៉ា តាយ សេង មានច្បាប់អនុញ្ញាតពីក្រសួងឬស្ថាប័នដែលពាក់ព័ន្ធណានៅឡើយទេ សង្ឃឹមថាក្រសួងដែលពាក់ព័ន្ធបញ្ហាខាងលើនិងឆ្លើយតបយ៉ាងឆាប់រហ័សដល់មហាជន។
អង្គភាពសារព័ត៌មានយើងខ្ញុំរងចាំការស្រាយបំភ្លឺពីក្រុមហ៊ុនលោកឧកញ៉ា តាយ សេង និង ក្រសួងដែលពាក់ព័ន្ធរៀងរាល់ម៉ោងធ្វើការសូមអរគុណ។
