ខេត្ដស្វាយរៀង៖ ដោយសន្តានចិត្តអាណិតស្រឡាញ់ប្រជាពលរដ្ឋស្រុករំដួល ព្រឹកនេះលោកហែម សុីណា អភិបាលស្រុករំដួលបាន ជូនភេសជ្ជ: និងថវិកា១ម៉ឺនរៀលក្នុងម្នាក់ដល់បងប្អូនកំពុងសម្រាកព្យាបាលជំងឺចំនួន២១នាក់នៅមន្ទីរពេទ្យបង្អែកសាមគ្គីរំដួល នាព្រឹកថ្ងៃទី២២ ខែវិច្ឆិកា ឆ្នាំ២០២២ នេះ។
ក្នុងឱកាសនោះដែរ លោកហែម សុីណា បានកោតសរសើរចំពោះសកម្មភាពការងារ និងគុណភាពនៃការពិនិត្យព្យាបាលជំងឺរបស់ក្រុមគ្រូពេទ្យ ដែលប្រសិទ្ធនាមថា “ជាកងទ័ពអាវសជួរមុខ” ដែលបានលះបង់កម្លាំងកាយ ចិត្ត ក្នុងការប្រយុទ្ធប្រឆាំងនឹងជំងឺដង្កាត់ផ្សេងៗ និងជំងឺឆ្លងសកលកន្លងមក ដោយគោរពទៅតាមក្រមសីលធម៌វិជ្ជាជីវៈ និងពិនិត្យសុខភាពប្រជាពលរដ្ឋក៏ដូចជាព្យាបាលជំងឺទូទៅជូនប្រជាពលរដ្ឋបានយ៉ាងល្អផងដែរ ៕
