ស្វាយរៀង ៖ លោក សុខ សារ៉ូត អនុប្រធានថ្នាក់ស្រុកចុះជួយឃុំតាសួសក្រោយពីទទួលបានដំណឹងថាមានគ្រួសារស្ត្រីមេម៉ាយកូន០៣នាក់មួយគ្រួសារជួបការលំបាកខ្លាំងនៅក្នុងមូលដ្ឋានឃុំតាសួសលោកនិងលោកស្រីមេឃុំតាសួសបានចុះសួរសុខទុក្ខដល់ផ្ទះតែម្តងដែលមានទីតាំងស្ថិតនៅភូមិភ្នៅ ឃុំតាសួស ស្រុកស្វាយជ្រំ ខេត្តស្វាយរៀងកាលពីថ្ងៃទី២៣ ខែធ្នូ ឆ្នាំ២០២២នេះ។
លោក សុខ សារ៉ូត ក្នុងនាមអនុស្សប្រធានថ្នាក់ស្រុកចុះជួយឃុំតាសួស និងលោកស្រីមេឃុំបានអញ្ជើញចុះសួរសុខទុក្ខគ្រួសារស្ត្រីមេម៉ាយដែលកំពុងជួបការលំបាកខ្លាំងនិងបាននាំយកសម្ភារៈមួយចំនួនទៅជូនគាត់ផងដែរ។ លោក សុខ សារ៉ូត បានមានមតិសំណេះសំណាល និងបានពាំនាំនូវពាក្យផ្តាំផ្ញើសាកសួរសុខទុក្ខពីសំណាក់ថ្នាក់ដឹកនាំគណៈបក្សប្រជាជនកម្ពុជាគ្រប់ជនថ្នាក់ជាពិសេសនោះលោកបានពន្យល់ប្រាប់អំពី គោលនយោបាយគណៈបក្សប្រជាជនកម្ពុជាមិនទុកពលរដ្ឋណាម្នាក់ចោលនោះទេ ហើយក៏មិនឲ្យពលរដ្ឋណាម្នាក់ដាច់ពោះស្លាប់ដោយអត់អាហារនោះដែរពោលគឺទីណាមានពលរដ្ឋជួបទុក្ខលំបាកទីនោះមានក្រុមការងារគណៈបក្សប្រជាជនកម្ពុជាចុះដល់គោលដៅភ្លាម ថ្នាក់ដឹកដឹកនាំគណៈបក្សប្រជាជនកម្ពុជាគឺមិនរត់ចោលប្រជាពលរដ្ឋនោះទឡើយគឺរួមសុខរួមទុក្ខជាមួយបងប្អូនគ្រប់ពេលវេលា។
ក្រោយពីលោក សុខ សារ៉ូត អនុប្រធានថ្នាក់ស្រុកចុះឃុំតាសួស និងលោកស្រី ពៅ បណ្តាំ មេឃុំតាសួសនាំយកសំភារៈមានគ្រឿងឧបគោគបរិភោគដើម្បីជួយសម្រាលការលំបាករបស់គាត់បានគ្រាសិននោះប្អូនស្រីដែលជាស្ត្រីមេម៉ាយមានកូន០៣នាក់ក្នុងបន្ទុកនោះក៏បានលើកដៃសំពះថ្លែងអំណរគុណដល់ក្រុមការងារគណៈបក្សប្រជាជនកម្ពុជា ហើយគាត់ក៏មានសំណើរចំនួនពីរផងដែរ ទី១ – ស្នើសុំឲ្យអាជ្ញធរជួយបុកអណ្តូងទឹកមួយ និងទី២-ស្នើសុំឲ្យអាជ្ញាធរធ្វើបន្ទប់ទឹក(បង្គន់)មួយ ។
ចុងក្រោយស្ត្រីមេម៉ាយរូបនោះក៏សូមថ្លែអំណរគុណយ៉ាងជ្រាលជ្រៅដល់ក្រុមការងារបក្សប្រជាជនកម្ពុជា និងលោកស្រីមេឃុំដែលតែងតែជួយគ្រួសារគាត់កន្លងមកជាពិសេសអរគុណយ៉ាងខ្លាំងបំផុតដល់រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន ដែលបានផ្តល់ប័ណក្រីក្រជូនគ្រួសារគាត់ហើយបានឧបត្ថម្ភជាសាច់ប្រាក់ជារៀងរាល់ខែដល់គាត់ដែជាស្ត្រីមេម៉ាយចិញ្ចឹមកូន០៣ទៀតផង៕
