ស្វាយរៀង÷ ថ្ងៃទី២៤ ខែធ្នូ ឆ្នាំ២០២២ ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី ពេជ្រ វីរ: ស្នងការនគរបាលខេត្ត លោកវរសេនីយ៍ទោ សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងជំនាញ នៃអធិការដ្ឋាននគរបាលស្រុកស្វាយជ្រំ កម្លាំងប៉ុស្តិ៍នគរបាលរដ្ឋបាលឃុំស្វាយជ្រំ បានធ្វើការបង្ក្រាប និងឃាត់ខ្លួនជនសង្ស័យចំនួន ០២នាក់ ប្រុស ដែលបានធ្វើសកម្មភាពលួចទ្រព្យសម្បត្តិប្រជាពលរដ្ឋ កាលពីថ្ងៃទី២៣ ខែធ្នូ ឆ្នាំ២០២២ ស្ថិតនៅភូមិត្របែក ឃុំស្វាយជ្រំ ស្រុកស្វាយជ្រំ ខេត្តស្វាយរៀង។
លោកវរសេនីយ៍ទោ សោម សុភ័ណ្ឌ បានបញ្ជាក់ប្រាប់ថា ក្នុងប្រតិបត្តិការបង្ក្រាបនេះ បានឃាត់ខ្លួនជនសង្ស័យចំនួន២នាក់ និងដកហូតវត្ថុតាងមួយចំនួនរួមមាន÷ ម៉ូតូ ០២គ្រឿង, ទូរស័ព្ទដៃ ០១គ្រឿង, ទឹកផ្លែឈើ និងស្រាបៀចំនួន ៥៩កេស និងឥវ៉ាន់ចាប់ហួយមួយចំនួនទៀត។
បច្ចុប្បន្ន ជនសង្ស័យទាំង០២នាក់ បានកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់៕
