ស្វាយរៀង ៖ នៅព្រឹកថ្ងៃសុក្រទី ២៣ ខែមិថុនាឆ្នាំ ២០២៣នេះ វេលាម៉ោង០៩និង៥០នាទី លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងអធិការដ្ឋាននគរបាលស្រុក នាំយកសម្ភារៈ និងគ្រឿងឧបភោគបរិភោគមួយចំនួនរបស់ព្រះគ្រូចៅអធិការវត្តតាសួស និងថវិកាមួយចំនួនទៅចែកជូនលោយាយ ម៉ែន ផា មានអាយុ ៨៣ ឆ្នាំ ( ជរា វង្វេង រស់នៅម្នាក់ឯង មានជីវភាពខ្វះខាត ) មានទីលំនៅភូមិដូងព្រះ ឃុំដួនស ស្រុកស្វាយជ្រំ ។
លោកវរសេនីយ៍ឯក សោម សុភ័ណ្ឌ មុឺងម៉ាត់និងការងារតែលោកមានបេះដូងមនុស្សធម៌មានចិត្តអាណិតអាសូដល់អ្នកដែលទីទល់មានជីវភាពខ្វះខាតគ្មានទីពឹងលោកតែងតែស្វែងរកជំនួយពីសប្បុរសជននានាដើម្បីជួយសម្រួលដល់ជីវវភាពប្រចាំថ្ងៃចែកជូនចាស់ជរា ជនពិការ អ្នកខ្វះលទ្ធភាពហើយគ្មានទីពឹងពោលគឺលោកធ្វើតាមលទ្ធភាព ដែលលោកអាចធ្វើទៅបាន ។
សម្ភារៈដែលនាំយកទៅចែកជួនរួមមាន ៖ សម្ភារៈប្រើប្រាស់ប្រចាំថ្ងៃ គ្រឿងឧបភោគ បរិភោគ និងថវិកា ១១មុឺនរៀលផងដែរ។
ឆ្លៀតនៅក្នុងឪកាសនោះដែរលោកវរសេនីយ៍ឯក សោម សុភ័ណ្ឌ សូមថ្លែងអំណរគុណយ៉ាងជ្រាលជ្រៅដល់ព្រះគ្រូ ចៅអធិការវត្តតាសួសព្រះនាម គង់ សំប៊ុនឈឿន និងសប្បុរសជនទាំងអស់ដែលតែងតែឧត្ថម្ភតាមរយៈលោកដើម្បីជួយដល់អ្នកខ្វះខាតគ្មានទីពឹងជាបន្តបន្ទាប់មក លោកសូមប្រគេនពរនិងជូនពរ សូមមានសុខភាពល្អ សំណាងល្អ ជោគជ័យគ្រប់ភារកិច្ចការងារ សូមសមប្រកបនូវពុទ្ធពរទាំងបួនប្រការគឺអាយុវណ្ណៈ សុខៈពលៈ កុំបីឃ្លៀងឃ្លាតឡើយ៕
