ខេត្តស្វាយរៀង៖ ការដាក់ដេញថ្លៃគម្រោងសាងសង់ផ្លូវបេតុងអាមេ១ខ្សែរ នៅសាលាសង្កាត់ចេក ក្រុងស្វាយរៀង ខេត្តស្វាយរៀង កាលពីថ្ងៃទី១៧ ខែឧសភា ឆ្នាំ២០២៣ ដែលមានក្រុមហ៊ុនជាច្រើនអ្នកចូលដាក់ដេញថ្លៃ ដាក់តម្លៃទាប គឺតម្លៃទាបមិនដែលធ្លាប់មាន។
អ្នកជំនាញនិយាយថា មិនសង្ឃឹមថា ផ្លូវមានគុណភាពនោះទេ សូមឲ្យម្ចាស់គម្រោងពិនិត្យលើកផ្លូវឲ្យបានម៉ត់ចត់តាមស្តង់ដា និងកិច្ចសន្យា ការដាក់ដេញថ្លៃនេះ ។
ជាក់ស្ដែង កាលពីព្រឹកថ្ងៃទី១៧ខែមិថុនា ឆ្នាំ២០២៣ ក្រុមហ៊ុនដែលដេញថ្លៃបានតម្លៃទាបជាងគេ ក៏បានចូលមកធ្វើការអនុវឌ្ឍគម្រោងសាងសង់ផ្លូវបេតុងអាមេបានជាបណ្ដើរខ្លះៗហើយ ។
ពលរដ្ឋដែលរស់នៅសង់ខាងផ្លូវបេតុងអាមេ នឹងកំពុងសាងសង់នេះ បានលើកឡើងថា ផ្លូវប្រហែលគ្មានគុណភាព ដោយក្រុមហ៊ុនដាក់សរសៃដែកតូចៗ ដូចមិនគ្រប់លី និងចង់ដែករង្វើលៗ ទទឹងផ្លូវបេតុងអាមេដូចមិនគ្រប់ម៉ែត្រ និងដាក់សរសៃដែកជាប់ផ្ទាល់ដី ដោយមិនកល់ កំណល់ថ្មក្រោមដែកទល់តែសោះ។
សាលាសង្កាត់ចេក សាងសង់ផ្លូវបេតុងអាមេប្រវែង៥០០ម៉ែត្រ ទទឹង៥ម៉ែត្រ កម្រាស់ ០.១៥ម៉ែត្រ និងស្លាកសញ្ញាគម្រោង តម្លៃប៉ានស្មាន៣០២.២៣៨.៧០០រៀល ហើយមានចំនួន៦ក្រុមហ៊ុនបានចូលរួមដាក់ដេញថ្លៃ ហើយដែលទទូលបានគឺឈ្មោះអ្នកដេញថ្លៃ សំ សាវឿន ក្រុមហ៊ុន សូ សុផារ៉ា ដេញបានតម្លៃទាបជាងគេ ១០៧.០០០.០០០រៀល។
ពលរដ្ឋស្នើរសុំអោយមន្ត្រីជំនាញចុះត្រួតពិនិត្យតាមដានអោយបានជាប់ជាប្រចាំផង ដើម្បីកុំអោយក្រុមហ៊ុនដែលទទូលបានគម្រោង ធ្វើមិនបាន និងធ្វើមិនត្រូវតាមស្តង់ដា បច្ចេកទេស (កម្រាស់) លួចដាក់សរសៃដែកតូច ចងដែករង្វើលៗ និងមិនមានគុណភាព តាមកិច្ចសន្យានៃគម្រោង។
មហាជនធ្លាប់បានរិះគន់ថា គម្រោងសាងសង់ផ្លូវបេតុងអាមេ កន្លងមកគឺ ឃើញប្រើប្រាស់មិនបានយួរអង្វែងទេ និងកែលម្អ ដោយដាក់ដេញថ្លៃ ក៏ប៉ុន្តែផ្លូវ ប្រើប្រាស់គ្មានគុណភាព បានន័យថា គម្រោង ជួសជុលរួច ផ្លូវស្រុតខូចវិញតាមក្រោយ ហើយ ក្រុមប្រឹក្សាឃុំ សង្កាត់ ដាក់សំណើរគម្រោងជួសជុលកែលម្អផ្លូវនេះ ម្តងទៀត ។
មហាជនសំណូមពរដល់ម្ចាស់គម្រោងនិងមន្ត្រីបច្ចេកទេស មន្ត្រីលទ្ធកម្មមេត្តាបង្កើតគណកម្មការវាយតម្លៃគុណភាពផ្លូវឲ្យបានម៉ត់ចត់ត្រូវតាមស្តង់ដានៃគម្រោង ជៀសវាងផ្លូវគ្មានគុណភាព ធ្វើហើយធ្វើទៀត ជួសជុលហើយផ្លូវខូចដ៏ដែលៗ ៕
