ខេត្ដស្វាយរៀង៖ គម្រោងដាក់ដេញថ្លៃកែរលម្អផ្លូវដីក្រាលថ្មបំបែកប្រវែង២៤៤៣ម៉ែត្រ ទទឹងផ្លូវដី៦ម៉ែត្រ ទទឹងក្រាលថ្មបំបែក៥ម៉ែត្រ និងស្លាកសញ្ញាគម្រោង ដេញបានតម្លៃក្រោម ៥០% ពលរដ្ឋបារម្ភថា តើក្រុមហ៊ុនដេញថ្លៃ បានធ្វើត្រឹមត្រូវតាមស្តង់ដារ បច្ចេកទេសដែរឬទេ? ការដាក់ដេញថ្លៃនេះ ធ្វើឡើងនៅវេលាម៉ោង៨និង០០នាទី នៅព្រឹកថ្ងៃទី២៨ ខែមិថុនា ឆ្នាំ២០២៣នេះ ក្នុងសាលាឃុំប្រសូត ស្រុកស្វាយទាប ខេត្តស្វាយរៀង ។
ក្នុងការដាក់ដេញថ្លៃ មានក្រុមហ៊ុនចំនួន៧ក្រុមហ៊ុន បានចូលដាក់ដេញថ្លៃ ហើយការចូលដាក់ដេញថ្លៃនោះ គឺបានដេញបញ្ចុះតម្លៃទាប ដោយគម្រោងប៉ាន់ស្មាន ២៧២.៩០៨.១៧៥រៀល ហើយតម្លៃដែលដេញថ្លៃបាន ក្នុងតម្លៃទាបជាងគេ អាចទទួលយកបានគឺ៖ ៤៨.៨៥៧.៥៥៧រៀល របស់ក្រុមហ៊ុន សូ សុផារ៉ា ជាអ្នកទទួលការសាងសង់ ។
ពាក់ព័ន្ធនឹងការដេញថ្លៃក្រោម ៥០% នេះ ពលរដ្ឋស្នើរសុំអោយមន្ត្រីជំនាញចុះត្រួតពិនិត្យ និងតាមដានអោយបានជាប់ជាប្រចាំផង ដើម្បីកុំអោយក្រុមហ៊ុនដែលទទូលបានគម្រោងធ្វើមិនបាន និងធ្វើមិនត្រូវតាមស្តង់ដាបច្ចេកទេស និងមិនមានគុណភាព តាមកិច្ចសន្យានៃគម្រោង។
មហាជនធ្លាប់បានរិះគន់ថា គម្រោងសាងសង់ផ្លូវក្រាលថ្មបំបែកកន្លងមកគឺឃើញប្រើប្រាស់មិនបានយួរអង្វែងទេ និងកែលម្អរដោយដាក់ដេញថ្លៃ ក៏ប៉ុន្តែផ្លូវប្រើប្រាស់គ្មានគុណភាព បានន័យថា គម្រោងជួសជុលរួច ផ្លូវស្រុតខូចវិញតាមក្រោយ ហើយក្រុមប្រឹក្សាឃុំ សង្កាត់ ដាក់សំណើរគម្រោងជួសជុលកែលម្អរផ្លូវនេះថ្មីម្តងទៀត ។
មហាជនសំណូមពរដល់ម្ចាស់គម្រោងនិងមន្ត្រីបច្ចេកទេស មន្ត្រីលទ្ធកម្មមេត្តាបង្កើតគណកម្មការវាយតម្លៃគុណភាពផ្លូវឲ្យបានម៉ត់ចត់ត្រូវតាមស្តង់ដានៃគម្រោង ជៀសវាងផ្លូវគ្មានគុណភាព ធ្វើហើយធ្វើទៀត ជួសជុលហើយផ្លូវខូចដដែលៗ ៕
