(ឧត្តរមានជ័យ)ឯកឧត្តមអភិបាលខេត្តបានលើកទឹកចិត្តទៅដល់វីរ:កងទ័ពអាវសនៃខេត្តឧត្តរមានជ័យទាំងអស់ដែលបានខិតខំប្រឹងប្រែងនិងកំពុងបំពេញភារកិច្ចអនុវត្តតួនាទីរបស់ខ្លួនក្នុងការបង្ការ ទប់ស្កាត់ការឆ្លងរីករាលជំងឺកូវីដ.១៩ក្នុងក្របខណ្ឌជារួមការពីរយ:កាលកន្លងទៅថ្មីៗនេះ។
ឯកឧត្តម វេជ្ជបណ្ឌិត ឃ្លោកហួត ប្រធានមន្ទីរសុខាភិបាលខេត្តឧត្តរមានជ័យបានលើកឡើងថា បើយើងរំលឹកឡើងវិញនូវទិដ្ធភាពជារួមនាពេលដ៏ប្រឈម ឧត្តរមានជ័យបានទទួលរ៉ាប់រងដ៏ធំសម្បើម ពោលគឺជាការហូរចូលយ៉ាងគំងយកពលករចំណាកស្រុកមកពីប្រទេសថៃ ដែលជាហេតុធ្វើឲ្យរដ្ធបាលខេត្តសម្រេចយកទីតាំងសាលារៀន ស្ទើរតែទាំងអស់ក្នុងខេត្ត ទីតាំងសាធារណ: បួករួមជាមួយទីតាំងឯកជនមួយចំនួនមកធ្វើជាមណ្ឌលព្យាបាលផង ជាមណ្ឌលចត្តាឡីស័កផង នៅក្រោមកិច្ចអន្តរាគមន៏និងតាមដានយកចិត្តទុកដាក់ខ្ពស់ពីសំណាក់រាជរដ្ធាភិបាល ដែលមានគណ:កម្មការប្រយុទ្ធនឹងប្រឆាំងជំងឺកូវីដ.១៩ជាសេនាធិការ រួមជាមួយគោលនយោបាយចាក់ស្រោចវ៉ាក់សាំង ការពារជំងឺកូវីដ ១៩ ទាំងដុសមូលដ្ធាន និងដុសជំរុញ ដែលសម្រាប់ខេត្តឧត្តរមានជ័យគិតត្រឹមពេលនេះសម្រេចបានលទ្ធផល៩៥%គឺស្ថិតក្នុងលំដាប់ខ្ពស់លេខរៀង២ទូទាំងប្រទេស បើធៀបលទ្ធផលទូទាំង២៥រាជធានី-ខេត្ត។
ថ្លែងនៅក្នុងពិធីប្រគល់ប័ណ្ណសរសើររបស់រាជរដ្ធាភិបាលជូនចំពោះមន្ត្រីសុខាភិបាលនៃរដ្ធបាលខេត្តឧត្តរមានជ័យដែលបានចូលរួមចំណែកប្រយុទ្ធនឹងជំងឺកូវីដ.១៩កន្លងមកដែលកម្មវិធីនេះដែរប្រព្រឹត្តធ្វើឡើងរយ:ពេលចំនួនថ្ងៃទី១៧ /១៨ខែកក្កដាឆ្នាំ២០២៣នេះ ក្នុងនោះឯកឧត្តមប៉ែនកុសល្យអភិបាលខេត្តបានមានប្រសាសន៏ថា នេះគឺជាពិធីមួយដ៏សំខាន់និងមានអត្ថន័យយ៉ាងធំធេង ឆ្លុះបញ្ជាំងនូវការយកចិត្តទុកដាក់ពីសំណាក់រាជរដ្ធាភិបាល ដែលមានសម្តេចតេជោ ជាប្រមុខថ្នាក់ដឹកនាំលើការគិតគូពីបញ្ហាសុខទុកនិងសុមាលភាពរបស់បងប្អូនវីរ:កងទ័ពអាវសនៃខេត្តឧត្តរមានជ័យ។
ជាមួយគ្នានេះដែរឯកឧត្តមអភិបាលខេត្តបានមានប្រសាសន៏បន្តថា ការទទួលជោគជ័យជូនជាតិដែលក្រុមកងទ័ពអាវសនៃរដ្ធបាលខេត្តឧត្តរមានជ័យ សម្រេចបាននាពេលនេះ មិនមែនជាការចៃដន្យ ឬបានមកដោយឯកឯងនោះទេ គឺវាកើតឡើងពីការលះបង់កម្លាំងកាយ ចិត្ត ការទទួលខុសត្រូវខ្ពស់ក្នុងវិជ្ជាជីវ: និងព្រមទទួលយកនូវការប្រឈមនឹងសេចក្តីស្លាប់ដោយឥតរុញរា របស់បងប្អូនវីរ:កងទ័ពអាវសយើងទាំងអស់គ្នា រួមជាមួយការចូលរួមយ៉ាងសស្រាក់សស្រាំរបស់អាជ្ញាធរដែនដីគ្រប់លំដាប់ថ្នាក់ កងកម្លាំងទាំងបីប្រភេទ ក្រសួង.ស្ថាប័នពាក់ព័ន្ធ សមគមន៏.មូលដ្ធានជាដើម។
សូមជម្រាបថា បើតាមការលើកឡើងនឹងការលើកទឹកចិត្តទៅដល់បងប្អូនវីរ:កងទ័ពអាវសក្នុងពេលផ្តល់ជូននូវប័ណ្ណសរសើរ គឺជាការរំលឹកក៏ដូចជាការដឹងគុណចំពោះការលះបង់របស់កងទ័ពអាវសនៃរដ្ធបាលខេត្តឧត្តរមានជ័យ យើងចាត់ទុកថា ជាការចងចាំនាថ្ងៃអនាគត់ផងដែរ។
