សមត្ថកិច្ចស្រុកស្វាយជ្រំឃាត់ខ្លួនជនសង្ស័យ២នាក់ពាក់ព័ន្ធករណីគ្រឿងញៀន!

(ស្វាយរៀង )៖នៅថ្ងៃទី ១៣ ខែសីហាឆ្នាំ២០២៣ វេលាម៉ោង១០និង០០ នាទី ក្រោមការចង្អុលបង្ហាញពីលោកឧត្តមសេនីយ៍ទោ ពេជ្រ វិរៈ ស្នងការនៃស្នងការដ្ឋានខេត្តស្វាយរៀង លោកវរសេនីឯក សោម សុភ័ណ្ឌ អធិការនៃអធិការរដ្ឋាននគរបាលស្រុកស្វាយជ្រំ បានដឹកនាំកម្លាំងជំនាញនគរបាលស្រុកស្វាយជ្រំ សហការជាមួយប៉ុស្តិ៍នគរបាលរដ្ឋបាលដូនស ឃាត់ខ្លួនជនសង្ស័យ២នាក់ពាត់ករណីរក្សាទុកដោយខុសច្បាប់នូវសារធាតុញៀនស្ថិតនៅភូមិព្រៃរការ ឃុំដូនស ស្រុកស្វាយជ្រំខេត្តស្វាយរៀង។

លោកវរសេនីយ៍ឯក សោម សុភ័ណ្ឌ បានឲ្យដឹងថាក្រោយចុះស្រាវជ្រាវទៅដល់កន្លែងកើតហេតុក៏ឃើញមុខសញ្ញាសង្ស័យម្នាក់ភេទប្រុស នៅចំណុចនោះ កម្លាំងសមត្ថកិច្ចក៏ បានឆែកឆេរលើដងខ្លួនរកឃើញម្ស៉ៅក្រាមសថ្លា០១កញ្ចប់តូចក្នុងហោប៉ៅខោ និងទូរស័ព្ទ ០១គ្រឿង ករណីនេះមានការសម្របសម្រួលពី ឯកឧត្ដម ព្រះរាជអាជ្ញា អមសាលាដំបូងខេត្តស្វាយរៀង អោយឃាត់ខ្លួននិងឆែកឆេរនៅក្នុងបន្ទប់ដេក ក៏បានរកឃើញថ្នាំញៀនចំនួន០៨កញ្ចប់តូច និង ០១កញ្ចប់ធំ ជញ្ជីងថ្លឹង០១គ្រឿង និងសំភារះវេចខ្ចប់ប្រើប្រាស់មួយចំនួនផងដែរ ។ កម្លាំងជំនាញបាននាំខ្លួនជនសង្ស័យមកប៉ុស្តិ៍នគរបាលរដ្ឋបាលដូនសដើម្បីសួរនាំនិងធ្វើតេស្តទឹកម៉ូតរកសារធាតុញៀនជាលទ្ធផលវិជ្ជមាន(+) ជនសង្ស័យ មានមុខរបរកសិករ. ទីលំនៅភូមិព្រៃរការ ឃុំដូនស ស្រុកស្វាយជ្រំខេត្តស្វាយរៀង។

~សរុបសំភារះវត្ថុតាងដែលចាប់យកបានរួមមាន:

~ម្ស៉ៅក្រាមសថ្លា ថ្នាំញៀនចំនួន០៩កញ្ចប់ ធំ០១កញ្ចប់

~ជញ្ជីងថ្លឹងថ្នាំញៀន០១គ្រឿង

~ទូរស័ព្ឌ០១ ដៃ ០១គ្រឿង និងសំភារះវេចខ្ចប់ប្រើប្រាស់មួយចំនួន។

លោកអធិការបានបញ្ជាក់ថា តាមចម្លើយសារភាពរបស់ជនសង្ស័យ ដែលសមត្ថកិច្ចឃាត់ខ្លួនបានឆ្លើយសារភាពថា ខ្លួននៅមានបក្សពួកម្នាក់ទៀត មានទីលំនៅភូមិព្រៃរកា ឃុំដូនស ស្រុកស្វាយជ្រំ ខេត្តស្វាយរៀង បានរត់គេចខ្លួនបាត់។

កាលពីថ្ងៃទី១៤ ខែ សីហា ឆ្នាំ២០២៣ វេលាម៉ោង១៣និង៣០នាទី កម្លាំងជំនាញអធិការដ្ឋាននគរបាលស្រុកស្វាយជ្រំ បានសហការជាមួយ កម្លាំងប៉ុស្តិ៍នគរបាលរដ្ឋបាលដូនស បានចុះធ្វើការស្រាវជ្រាវដល់កន្លែងកើតហេតុឈានដល់ការឃាត់ខ្លួនជនសង្ស័យម្នាក់ទៀត មានទីលំនៅភូមិព្រៃរកា ឃុំដូនស ស្រុកស្វាយជ្រំ ខេត្តស្វាយរៀង សមត្តកិច្ចបាននាំជនសង្ស័យមកប៉ុស្តិ៍នគរបាលរដ្ឋបាលដូនសដើម្បីធ្វើតេស្តទឹកម៉ូតស្វែងរកសារធាតុញៀន ជាលទ្ធផលវិជ្ជមាន(+) សម្ភារ:គ្មាន។