(ឧត្តរមានជ័យ) ឯកឧត្តមស្នងការខេត្តបានដាក់បទបញ្ជាផ្ទាល់ទៅដល់អធិការក្រុងស្រុកទាំង៥ឲ្យចុះផ្សព្វផ្សាយនឹងសហការជាមួយម្ចាស់ ហាង ភោជនីយដ្ធាន ផ្ទះសំណាក់ បន្ទប់ជួល ខារ៉ាអូខេ ទីតាំងសិប្បកម្ម ហើយបិទបំរាមបទបញ្ជាផ្ទៃក្នុង ហាមដាច់ខាត រាល់ការ យកក្មេងអាយុក្រោម១៨ឆ្នាំមកចូលបំរើការងារ ការជួញដូរមនុស្សលើស្ត្រីនិងកុមារ ជាពិសេស ទប់រាល់ការជួញដូរគ្រឿងញៀន។ពិធីប្រកាសផ្ទេរភារកិច្ចតែងតាំងមុខតំណែងបំពាក់ឋានន្តរស័ក្តដល់មន្ត្រីនគរបាលជាតិនៃស្នងការដ្ធាននគរបាលខេត្តឧត្តរមានជ័យ ។នេះដែរប្រព្រឹត្តធ្វើឡើងនៅក្នុងបរិវេណអធិការស្រុកចុងកាល់នារសៀល ថ្ងៃទី ទី១៦ខែសីហាឆ្នាំ២០២៣ម្សិលមិញនេះ។
ថ្លែងនៅក្នុងពិធីបំពាក់ឋានន្តរស័ក្តិជូនដល់មន្ត្រីនគរបាលជាតិ នារសៀលថ្ងៃទី១៦ខែសីហាឆ្នាំ២០២៣នេះដែរឯកឧត្ដម ឧត្តមសេនីយ៍ទោហួតសុធីស្នងការនគរបាលខេត្តឧត្តរមានជ័យតំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍សន្តិបណ្ឌិតនេតសាវឿនអគ្គស្នងការនគរបាលជាតិ បានលើកឡើងថា ក្រោយពីបានទទួលតួនាភារកិច្ចក្នុងថ្ងៃនេះហើយទៅថ្ងៃមុខ មន្ត្រីនគរបាលគ្រប់រូបនៅតែកាន់ជំហរខិតខំប្រឹងប្រែងបន្តការងារនៅក្នុងមូលដ្ឋានឲ្យបានល្អជាប្រចាំពិសេសត្រូវតែចូលរួមសហការជាមួយនឹងអាជ្ញាធរគ្រប់លំដាប់ថ្នាក់ដើម្បីអនុវត្តថែរក្សាការពារសន្តិសុខជូនប្រជាពលរដ្ធភូមិឃុំមានសុវត្ថិភាព ជាងនេះទៅទៀតចូលរួមធ្វើវេទិការផ្សព្វផ្សាយតាមសាលារៀនអប់រំណែនាំប្រជាពលរដ្ធក្នុងការធ្វើចរាចរណ៏តាមដងផ្លូវនៅពេលបើកបរម៉ូតូឲ្យពាក់មួកសុវត្ថិភាព បើអ្នកបើកបររថយន្តសូមឲ្យពាក់ខ្សែក្រវ៉ាត់ដើម្បីកាត់បន្ថយនូវអត្រាគ្រោះថ្នាក់ជាយក្សថាហេតុ។
ឯកឧត្តមស្នងការខេត្តក៏បានលើកឡើងបន្ថែមថា ក្នុងនាមជាមន្ត្រីនគរបាលជាតិត្រូវគោរពនូវវិន័យច្បាប់របស់កងកម្លាំងនគរបាលជាតិលេខ០០៦ ជាប់ជាប្រចាំ ជាងនេះទៅត្រូវ ខិតខំបំពេញតួនាទីភារកិច្ចរបស់ខ្លួនធ្វើយ៉ាងណាយកចិត្តទុកដាក់ លើឧទាហរណ៍ខាងបច្ចេកវិទ្យាស្មាតហ្វូនដើម្បីផ្តិតយករូបភាពអំពីសកម្មភាពដែលកើតមានឡើងរាយណ៏ការជូនថ្នាក់លើជាបន្តបន្ទាប់។ឆ្លៀតក្នុងឪកាសនោះដែរឯកឧត្តមស្នងការក៏បានណែនាំនឹងប្រាប់នូវគន្លឹះសំខាន់ៗហើយដាក់បទបញ្ជាផ្ទាល់ទៅលោកអធិការក្រុង ស្រុកទាំង៥ចំណុះឲ្យស្នងការខេត្តត្រូវចូលរួមផ្សព្វផ្សាយបិទនូវបំរាមហាមឃាត់តាមអាហារដ្ធាន ផ្ទះសំណាក់ ផ្ទះជួល បន្ទប់ខារ៉ាអូខេដើម្បីឲ្យម្ចាស់ទីតាំងសហការដើម្បីទប់ស្កាត់រាល់សកម្មភាពបទល្មើសផ្សេងៗមានដូចជា។
ទី១/ការយកកុមារឲ្យចូលធ្វើការងារអាយុក្រោមអាយុ១៨ឆ្នាំ។ទី២/ការធ្វើអាជីវកម្មផ្លូវភេទលើស្ត្រីភេទនិងពលកម្មលើកុមារ។ទី៣/ការប្រើប្រាស់រូបភាពអាភាសមិនល្អប៉ះពាល់ដល់សង្គម។ទី៤/ការប្រើប្រាស់គ្រឿងញៀននិងចរាចរណ៏ជួញដូរថ្នាំញៀនហើយនិងហាមឃាត់ការប្រើប្រាស់អាវុធខុសច្បាប់។ទី៥/ទប់ស្កាត់ការប្រើអំពើហិង្សានៅក្នុងគ្រួសារលើស្ត្រីនិងកុមារជាដើម។ល។
គួររំលឹកថា អ្វីដែលចម្លែកនឹងគួរឲ្យចាប់អារម្មណ៏បំផុតទៀតនោះ នៅស្នងការនគរបាលខេត្តឧត្តរមានជ័យក៏ដូចជាតាមបណ្តាលអធិការក្រុងស្រុកទាំង៥បូករួមទាំងទីបញ្ជាការនគរបាលវរការពារព្រំដែនគោកទាំង២ ឯកឧត្តមស្នងការតែងតែងអប់រំណែនាំដល់មន្ត្រីនគរបាលជាតិគ្រប់រូបនៅពេលច្រៀងបទគោរពទង់ជាតិ ចប់រួចហើយតែងតែឲ្យមន្ត្រីនគរបាលច្រៀងបទពង្សាវតាខ្មែរ រៀងរាល់ពេលនឹងគ្រប់កម្មវិធីជានិច្ចផងដែរ។ដោយប៊ុនថេត.ឧត្តរមានជ័យ.១៧.០៨.២០២៣
