(ឧត្តរមានជ័យ)មានហេតុការណ៏គ្រោះថ្នាក់ចរាចរណ៏មួយរវាងរថយន្តនឹងម៉ូតូបុកគ្នាចំពេញទំហឹងបណ្តាលឲ្យស្លាប់ម្នាក់នៅនឹងកន្លែង។ករណីនេះបានកើតឡើងនៅយប់ថ្ងៃទី ១៧ ខែសីហា ឆ្នាំ ២០២៣ វេលាម៉ោង ១៩នឹង៥៥ នាទី ។
សមត្ថកិច្ចមូលដ្ធានបានឲ្យដឹងនៅថ្ងៃទី១៨ខែសីហាឆ្នាំ២០២៣ថា មានករណីគ្រោះថ្នាក់ចរាចរណ៍ រវាងម៉ូតូ និងរថយន្ត ស្ថិតក្នុងភូមិសំរោង សង្កាត់សំរោង ក្រុង សំរោង ខេត្តឧត្ដរមានជ័យ នៅលើផ្លូវក្រាលកៅស៊ូក្នុងខេត្ត ផ្លូវលេខ០៤ ទិសដៅ បញ្ច្រាស់ទិសគ្នា (បណ្តាលឲ្យស្លាប់ចំនួន ០១ នាក់/ប្រុស)។
១/អ្នកបើកបរម៉ូតូឈ្មោះ សាញ់ សំរឹទ្ធិភេទ ប្រុស អាយុ ៣៦ឆ្នាំ មុខរបរ : ទារហាន (ស្លាប់នៅកន្លែងកើតហេតុ) រស់នៅក្នុងភូមិពោធិចាស់ ឃុំបេង ស្រុកបន្ទាយអំពិល ខេត្តឧត្តរមានជ័យ បេីកបរម៉ូតូម៉ាក MSX ពណ៌ស សេរីឆ្នាំពាក់ស្លាកលេខ គ្មាន ទិសដៅពីត្បូងទៅជើង (មិនពាក់ពួកសុវត្តិភាព)។
២/រថយន្តម៉ាក Nissan Frontier ផលិតឆ្នាំ ២០០៣ ពណ៌ប្រផេះ ពាក់ផ្លាកលេខ ឧត្តរមានជ័យ 2A-8779 បើកបរដោយឈ្មោះ ឈឿន សុវណ្ណ ភេទប្រុស អាយុ ៣៥ ឆ្នាំ មុខរបរ លក់សាំង (ពាក់ខ្សែរសុវត្តិភាព (គ្មានរបួស) រស់នៅភូមិគោកស្ពាន ឃុំក្រសាំង ស្រុកចុងកាល់ ខេត្តឧត្តរមានជ័យ ។
៣/អ្នករួមដំណើរឈ្មោះ ង៉ែក វិកៃ ភេទ ស្រី អាយុ ៣៣ ឆ្នាំ មុខរបរ គ្រូពេទ្យ រស់នៅភូមិគោកស្ពាន ឃុំក្រសាំង ស្រុកចុងកាល់ ខេត្តឧត្តរមានជ័យ (ពាក់ខ្សែក្រវ៉ាត់សុវត្ថិភាព) គ្មានរបួស ។
បើយោងតាមសាក្សីនៅកន្លែងកើតហេតុបានអះអាងថា មុនដំបូងឡើយគាត់បានឃើញឡាននឹងម៉ូតូបើកបរក្នុងគោលដៅស្របទិសគ្នាក្នុងស្ថានភាពលឿនដូចគ្នា លុះមកដល់ចំណុចខាងលើក៏បុកគ្នាតែម្តង។
សូមបញ្ជាក់ថា ក្រោយកើតហេតុ សមត្ថកិច្ចនគរបាលចរាចរណ៏ខេត្តបានទៅចុះត្រួតពិនិត្យនឹងវាស់វែងធ្វើកំណត់ហេតុយកវត្ថុតាងរថយន្តនឹងម៉ូតូមករក្សាទុកនៅស្នងការខេត្ត ដើម្បីអនុវត្តន៏ទៅតាមនីតិវិធីច្បាប់។ដោយប៊ុនថេត.ឧត្តរមានជ័យ.១៨.០៨.២០២៣
