(ឧត្តរមានជ័យ) ប្រជាកសិករមួយគ្រួសារបន្ទាប់ពីប្រមូលផលដំណាំផ្លែឪឡឹករួមមកក៏បានចាប់មុខរបរ បន្ថែមក្នុងការដាំពោតដំណើបដើម្បី រកប្រាក់ចំណូល ផ្គត់ផ្គង់ជីវភាពប្រចាំថ្ងៃ ទីតាំងដែលកសិករដាំពោតដំណើបនេះដែរស្ថិតនៅក្នុងភូមិកណ្ដែក សង្កាត់សំរោង ក្រុងសំរោងខេត្តឧត្តរមានជ័យ ។
បើតាមការឲ្យដឹង ពីប្រជាកសិករឈ្មោះរស់បុរីភេទប្រុសអាយុ៣៤ឆ្នាំ រស់នៅ ភូមិឃុំខាងលើបានរៀបរាប់ប្រាប់ឲ្យដឹងនៅថ្ងៃទី៣០ខែសីហាឆ្នាំ២០២៣ថា គាត់មានផ្ទៃដីចំនួនបួនរ៉ៃក្រោយពីប្រមូលផលដំណាំឪឡឹករួចមកគាត់ក៏បានចាប់ផ្តើមដាំពោតដំណើបនេះឡើងវិញ ដើម្បី យកទៅលក់បានប្រាក់មកផ្គត់ផ្គង់ជីវភាពគ្រួសារជាបន្តបន្ទាប់។
កសិករដដែលបានលើកឡើងបន្តថា ការដាំ ដំណាំ ពោតដំណើបនេះផងដែរ គឺមានរយៈពេល ចិតសិបប្រាំថ្ងៃ ដោយការប្រើដើមទុនលើកដំបូងយើងត្រូវចាប់ផ្ដើម ជួលគេអាត្រាក់គេភ្ជួរដី ហើយទិញអស់៧ការ៉ុង និងទិញថ្នាំ បាញ់ការពារដើម ការពារសត្វល្អិត សរុបជាទឹកប្រាក់អស់ប្រហែលជា១លានរៀលជាង ហើយមួយទៀតចំពោះដំណាំពោដំណើបនេះគឺងាយស្រួលដាំជាង ផ្លែឪឡឹកនិង ស្រួលក្នុងការថែទាំផងដែរដោយការដាំមិនរើសពេលវេលា មួយទៀតបើសិនមានភ្លៀងធ្លាក់ជោកជាំនោះដំណាំប្រភេទនេះកាន់តែល្អខ្លាំងតែម្តង។
សូមបញ្ជាក់ផងដែរថាបើតាមការលើកឡើងពីប្រជាកសិករខាងលើបានអះអាងបន្តថាចំពោះដំណាំពោតដំណើបនេះ គាត់ដាំដុះទើបតែមានរយៈពេលទើបមួយខែប៉ុណ្ណោះ ហើយនៅថ្ងៃមុខ បើសិនជាភ្លៀងធ្លាក់មកគ្រប់គ្រាន់ដំណាំពោតដំណើបរបស់កាន់តែល្អហើយនិងមួយទៀតផ្លែក៏កាន់តែធំពេលបេះយកទៅលក់នៅលើទីផ្សារក៏កាន់តែបានតម្លៃខ្ពស់ផងដែរ។
