ខេត្ដស្វាយរៀង ៖កាលពីព្រឹកថ្ងៃសៅរ៍ ទី១០ ខែធ្នូ ឆ្នាំ២០២២ រដ្ឋបាលស្រុកស្វាយជ្រំបានរៀបចំពិធីដាំកូនឈើប្រភេទដើមពពាលខែចំនួន ៣ ២០០ដើមក្រោមប្រធានបទ (ដាំដើមឈើ បង្កើនសម្រស់សហគមន៍យើង) នៅតាមបណ្តោយទំនប់ព្រំដែនកម្ពុជា-វៀតណាមប្រវែង ១៤គីឡូម៉ែត្រ ចាប់ពីភូមិជៀសឬស្សី ឃុំកំពង់ចំឡង រហូតដល់ស្ពានក្រសាំងជ្រំ ឃុំគ្រួសស្រុកស្វាយជ្រំ ក្រោមអធិបតីភាព ឯកឧត្តម គឹម ធា សមាជិកព្រឹទ្ធសភាមណ្ឌលភូមិភាគ៦ ។
នៅក្នុងពិធីនេះមានការអញ្ចើញចូលរួមពី
៖លោកជំទាវ ដួង វណ្ណា អ្នកតំណាងរាស្រ្តមណ្ឌលស្វាយរៀង ,លោកជំទាវ ពៅ សុភាព អ្នកតំណាងរាស្រ្តមណ្ឌលស្វាយរៀង ,លោក សុទ្ធ គឹមច័ន្ទ ប្រធានក្រុមប្រឹក្សាស្រុក ,លោក ហែម សារិទ្ធ អភិបាលស្រុកស្វាយជ្រំ,លោក លោកស្រីសមាជិក សមាជិកាក្រុមប្រឹក្សាស្វាយជ្រំ ,តំណាងមន្ទីរបរិស្ថានខេត្ត
,តំណាងមន្ទីរកសិកម្ម រុក្ខាប្រមាញ់ និងនេសាទខេត្ត,លោក លោកស្រីអភិបាលរងស្រុក,លោកនាយករងរដ្ឋបាលសាលាស្រុក,លោក សោម សោភ័ណ្ឌ អធិការនគរបាលស្រុក ,លោកមេបញ្ជាការមូលដ្ឋាន កងរាជអាវុធហត្ថស្រុក ,លោកមេបញ្ជាការផ្នែកសឹករងស្រុក,លោកប្រធានការិយាល័យប្រជាពលរដ្ឋ,លោក លោកស្រីប្រធាន អនុប្រធា, ការិយាល័យ អង្គភាព យនិងមន្រ្តី នៃរដ្ឋបាលស្រុក
,នាយប៉ុស្តិ៍ច្រកទ្វារតំបន់ស្រែបារាំង ប៉ុស្តិ៍ការពារព្រំដែនគ្រួស,មេបញ្ជាការកងអនុសេនាតូចលេខ២ លេខ៣
,លោក លោកស្រីមេឃុំ ក្រុមប្រឹក្សាឃុំ នគរបាលប៉ុស្តិ៍ព្រំដែន មេភូមិ អនុភូមិ ប្រជាការពារភូមិ នៃឃុំកំពង់ចំឡង ឃុំចំបក់ ឃុំគ្រួស,យុវជន សយយក
,ប្រជាពលរដ្ឋ ព្រះសង្គ លោកគ្រូ អ្នកគ្រូ សិស្សានុសិស្ស ចំណុះអោយឃុំទាំងបីផងដែរ។
នាឱកាសនោះដែរឯកឧត្តម គឹម ធា សមាជិកព្រឹទ្ធសភាមណ្ឌលភូមិភាគ៦ បានអំពាវនាវ ចំពោះ ព្រះថេរានុត្ថេរៈគ្រប់ព្រះអង្គ អង្គភាពនានា អាជ្ញាធរមូលដ្ឋានគ្រប់លំដាប់ថ្នាក់ គ្រប់គ្រឹះស្ថានសិក្សា ទីអារាមទាំងអស់ និងបងប្អូនប្រជាពលរដ្ឋគ្រប់ៗរូប មេត្តាយកចិត្តទុកដាក់បន្តបង្កើនការបណ្តុះ និងដាំដុះកូនឈើឲ្យបានច្រើនថែមទៀត ពីមួយឆ្នាំទៅមួយឆ្នាំ ។ សហការរួមគ្នាបន្តការដាំពូជឈើល្អៗគ្រប់ប្រភេទ ឲ្យបានកាន់តែច្រើនឡើង នៅលើដីទំនេរ ទីទួល ទីទំនាប តាមទីអារាម ស្ថាប័ន គ្រឹះស្ថានសិក្សា ភូមិដ្ឋាន និងតាមទីសាធារណៈផ្សេងៗ ឲ្យបានច្រើន ។ ចំពោះបងប្អូនប្រជាពលរដ្ឋមួយចំនួន ដែលធ្វើចំណាកស្រុក ទៅប្រកបរបរកាប់ អារឈើ ប្រមូលផល-អនុផលព្រៃឈើ ឬប្រមាញ់សត្វព្រៃខុសច្បាប់ សូមបង្វែរនូវសកម្មភាពអវិជ្ជមានទាំងនោះ មកធ្វើការបង្កើនផលិតភាពកសិកម្ម ដាំដុះ ចិញ្ចឹមសត្វ និងការងារផ្សេងៗ ដែលមានក្នុងមូលដ្ឋានរបស់ខ្លួន ។ ទន្ទឹមនឹងនោះដែរ ក៏សូមអំពាវនាវដល់អង្គការជាតិ-អន្តរជាតិ ដៃគូរអភិវឌ្ឍន៍នានា អាជ្ញាធរមូលដ្ឋានគ្រប់លំដាប់ថ្នាក់ អង្គភាពពាក់ព័ន្ធ បន្តកិច្ចសហប្រតិបត្តិការ តាមគ្រប់រូបភាព ក្នុងការថែរក្សាធនធានព្រៃឈើ និងដាំកូនឈើឲ្យបានជាអតិបរមា ព្រោះថា ដើមឈើដែលដុះដាល រីកចម្រើនច្រើន វាជាពហុប្រយោជន៍ និងបានបំពេញនៅលើដីទំនេរឲ្យ មានគម្របព្រៃឈើ ៕
