ខេត្ដស្វាយរៀង៖ នៅថ្ងៃសុក្រ ១១ រោច ខែកត្តិក ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី៨ ខែធ្នូ ឆ្នាំ២០២៣
នេះ លោក ហែម ស៊ីណា អភិបាលស្រុករំដួល បានអញ្ជើញចុះពិនិត្យផ្លូវនានានៅឃុំកំពង់អំពិល ឃុំធ្មា និងឃុំម៉ឺនជ័យ ស្រុករំដួល ខេត្តស្វាយរៀង ។
លោកហែម សុីណា បានឲ្យដឹងថា ក្នុងនាមលោកជាគណៈបញ្ជាឯកភាពស្រុក រួមជាមួយនឹងអាជ្ញាធរភូមិឃុំតែងតែយកចិត្តទុកដាក់ចំពោះបញ្ហាផ្សេងៗពិសេសគឺផ្លូវធ្វើដំណើររបស់បងប្អូនប្រជាពលរដ្ឋតែម្ដងព្រោះថា ដេីម្បី ឱ្យពុកម៉ែបងប្អូន ប្រជាពលរដ្ឋសិស្សានុសិស្ស មានភាពងាយស្រួលក្នុងការធ្វើដំណើរ ក៍ដូចជាទៅប្រកបមុខរបរកសុីផ្សេងៗ និងដើម្បីមានភាពងាយស្រួលដឹកដំណាំកសិផលទៅកាន់ទីផ្សារ ទៅវត្តអារាមនានានៅក្នុងស្រុករំដួលបានយ៉ាងងាយស្រួលផងដែរ ព្រោះថាផ្លូវគឺជាសរសៃឈាមនៃការអភិវឌ្ឍន៍សេដ្ឋកិច្ចជាតិ។
លោកអភិបាល បានបន្តថា សូមឱ្យបងប្អូនប្រជាពលរដ្ឋទាំងអស់គ្នា ពេលបានផ្លូវល្អហើយងាយស្រួលក្នុងការធ្វើដំណើរ សូមបងប្អូនជួយចូលរួមថែរក្សាឲ្យបានគង់វង្សទាំងអស់គ្នា ព្រោះផ្លូវទាំងនេះជាផ្លូវរបស់យើងទាំងអស់គ្នា មិនមែនជាផ្លូវរបស់បុគ្គលណាម្នាក់ឡើយ និងត្រូវចូលរួមគោរពច្បាប់ចរាចរណ៍ ទាំងអស់គ្នាដើម្បីកាត់បន្ថយនូវការគ្រោះថ្នាក់ចរាចរណ៍ នឹងត្រូវអនុវត្តគោលនយោបាយភូមិឃុំមានសុវត្ថិភាពទាំង៧ចំណុចរបស់រាជរដ្ឋាភិបាល ។
លោកបានបញ្ជាក់ថា នៅក្នុងស្រុករំដួលផ្លូវទាំងអស់ល្អស្ទើរគ្រប់ទីកន្លែងដោយសារមានការចូលរួមពីររថយន្តដឹកកម្មករ,រថយន្តដឹកស៊ីម៉ង់,រថយន្តដឹកដី.ល.រួមគ្នាជុសជុលឡើងវិញ៕
