ខេត្ដស្វាយរៀង ៖ ទំនាស់ដីកេរិ៍ពីដូនតាដ៏សែនពិបាកដោះស្រាយបំផុត ឥឡូវត្រូវបានលោកហែម សុីណា អភិបាលស្រុករំដួលនិងក្រុមការងារចុះដោះស្រាយបញ្ចប់ជាស្ថាពរ នៅថ្ងៃទី០៨ខែធ្នូ ឆ្នាំ ២០២៣ នេះ លោក ហែម ស៊ីណា អភិបាលនៃគណៈអភិបាលស្រុករំដួល បានដឹកនាំក្រុមការងារបានចុះដោះស្រាយបញ្ចប់វិវាទដីធ្លីរវាងបងប្អូនបង្កើតទទួលបានជោគជ័យដោយភាគីទាំងសងខាងព្រមទទួលការសម្របសម្រួល ពីថ្នាក់ដឹកនាំស្រុករំដួលក៏ដូចជាក្រុមការងារដោះស្រាយវិវាទដីធ្លីក្រៅប្រព័ន្ធតុលាការ ដោយឈរលើគោលការណ៍និងអនុវត្ដន៍ តាមគោលនយោបាយភូមិ ឃុំ សង្កាត់ មានសុវត្ថិភាព របស់រាជរដ្ឋាភិបាល ។
ករណីទំនាស់ដីធ្លីរវាងបងប្អូនបង្កើត មានទីតាំងស្ថិតនៅភូមិស្វាយរំពារ ឃុំសង្កែ ស្រុករំដួល ខេត្ដស្វាយរៀង ។
លោកហែម សុីណា បានបញ្ជាក់ផងដែរថាទំនាស់ទាំងអស់នៅរដ្ឋបាលស្រុករំដួលត្រូវបានដោះស្រាយបញ្ចាប់រួចរាល់ហើយ ពលរដ្ឋរស់នៅក្រោមម្លប់សន្ដិភាពមានភាពសុខសាន្ដ មានអ្វីៗគ្រប់បែបយ៉ាង សព្វថ្ងៃនេះ ស្របពេលនេះក្រសួងដែនដីនគរ រមណីយកម្ម បានរៀបចំចុះបញ្ចីដីធ្លីលក្ខណៈប្រពន្ធ័ហៅថា (ប្លង់រឹង) ទូទាំងផងដែរដើម្បីបង្កលក្ខណៈងាយស្រួលដល់បងប្អូនប្រជាពលរដ្ឋយកទៅប្រើប្រាស់ ។
ជាក់ស្ដែងនៅក្នុងសាលាស្រុករំដួលបានរៀបចំចុះបញ្ចីដីធ្លីលក្ខណៈប្រពន្ធ័ហៅថា (ប្លង់រឹង)ដោយឲ្យប្រជាពលរដ្ឋមកទទួលសេវាឯកសារសម្រាប់ចុះបញ្ចីដីធ្លីលក្ខណៈប្រពន្ធ័ហៅថា (ប្លង់រឹង)នៅសាលាស្រុករំដួលផងដែរក្នុងនោះឯកសាររួមមាន៖
* ករណីប្តី ប្រពន្ធដាក់ឈ្មោះទាំងពីរនាក់
១. អត្តសញ្ញាណប័ណ្ណបញ្ជាក់
២. សេចក្តីចម្លងសំបុត្រអាពាហ៍ពិពាហ៍
៣. សៀវភៅស្នាក់នៅបញ្ជាក់ ឬសៀវភៅគ្រួសារ
៤. សំបុត្រកំណើតចម្លង ៣សន្លឹក
*ករណីមានគ្រួសារ តែដាក់ឈ្មោះម្នាក់ឯង
១. អត្តសញ្ញាណប័ណ្ណបញ្ជាក់
២. សំបុត្រកំណើតចម្លង
៣. សេចក្តីចម្លងសំបុត្រអាពាហ៍ពិពាហ៍
៤. សៀវភៅស្នាក់នៅបញ្ជាក់ ឬសៀវភៅគ្រួសារ
៥. លិខិតបញ្ជាក់ទ្រព្យ
* ករណីនៅលីវ
១. អត្តសញ្ញាណប័ណ្ណបញ្ជាក់
២. សំបុត្រកំណើតចម្លង
៣. លិខិតបញ្ជាក់ភាពនៅលីវ
. សៀវភៅស្នាក់នៅបញ្ជាក់ ឬសៀវភៅគ្រួសារ
*ករណីពោះម៉ាយ ឬ មេម៉ាយ
១. អត្តសញ្ញាណប័ណ្ណបញ្ជាក់
២. សំបុត្រកំណើតចម្លង
៣. លិខិតបញ្ជាក់ពោះម៉ាយ ឬមេម៉ាយ ឬលិខិតលែងលះ
៤. សៀវភៅស្នាក់នៅបញ្ជាក់ ឬសៀវភៅគ្រួសារ ។
រដ្ឋបាលស្រុករំដួលដឹកនាំដោយលោកហែម សុីណា ក៍បានរៀបចំកន្លែងអង្គុយរង់ចាំទទួលឯកសារ,កន្លែងដាក់ម៉ូតូ,កន្លែងហូបទឹកមានទឹកត្រជាក់នឹងទឹកក្ដៅសម្រាប់បងប្អូនប្រជាពលរដ្ឋមកទទួលឯកសារនៅច្រកចេញចូលតែមួយរបស់សាលាស្រុករំដួល។
សូមបញ្ជាក់ផងដែរថាបងប្អូនប្រជាពលរដ្ឋមកទទួលសេវាឯកសារ នៅសាលាស្រុកកំដួលដោយភាពញញឹមនិងរីករាយយ៉ាងក្រៃលែង ៕
