ភ្នំពេញ៖រថយន្តកូរឡាមួយគ្រឿង បោះពួយយ៉ាងលឿន ជ្រុលទៅបុកក្បាលនាគចែកទ្រូងផ្លូវ បាក់អស់១កង់ ចំណែករថយន្តរងការខូចខាតផ្នែកខាងមុខវេលាម៉ោង៩ និង៣០នាទីយប់ថ្ងៃទី៣១ ខែឧសភាឆ្នាំ២០១៩
ស្ថិតតាមបណ្ដោយផ្លូវ២៨៩ ចំណុចច្រកចូលផ្សារទួលគោក។
តាមប្រជាពលរដ្ឋបានឲដឹងថា មុនពេលកើតហេតុគេឃើញ បុរសម្នាក់បើករថយន្តកូរ៉ូឡា ពណ៌ទឹកប្រាក់ ពាក់ស្លាកលេខ បាត់ដំបង 2A-4378 ធ្វើដំណើរពីកើតទៅលិច ក្នុងល្បឿនលឿន ខណ:មកដល់ចំណុចកើតហេតុ បានជ្រុលចង្កូតទៅបុកក្បាលនាគចែកទ្រូងផ្លូវពេញទំហឹង បណ្ដាលឲ្យទ្រូងផ្លូវ និងរថយន្តខូចខាត។
ក្រោយកើតហេតុសមត្ថកិច្ចមូលដ្ឋាន ចុះមកដល់ ទាក់ទងជំនាញមកវាស់វែង យករថយន្តបង្កទៅកាន់ការិយាល័យចរាចរណ៍ផ្លូវគោក នៃស្នងការាជធានីភ្នំពេញ ដើម្បីរង់ចាំឲម្ចាស់រថយន្តចូលខ្លួនមកដោះស្រាយតាមផ្លូវច្បាប់៕សំនៀង
