ញភ្នំពេញ៖ បុរសម្នាក់ស្រវឹងស្រាជោគជាំ បើករថយន្តហាយលេនឌ័រមួយគ្រឿងបោះពួយទៅបុករះរទេះលក់ម្ហូបចំនួនពីរគ្រឿងនិងម៉ូតូកង់បីចំនួនពីរគ្រឿងបណ្តាលឲ្យរទេះលក់ម្ហូបក្រឡាប់ផ្ងាជើងម្ខាងនិងម៉ូតូកង់បីខូចខាតយ៉ាងដំណំតែសំណាងល្អមិនបង្កឲ្យមានអ្នករងរបួស។
ហេតុការណ៍នេះកើតឡើងកាលពីវេលាម៉ោង២យប់រំលងអាធ្រាត្រឈានចូលថ្ងៃទី១ខែមិថុនាឆ្នាំ២០១៩ស្ថិតនៅចំណុចមុខ សាខាពន្ធដារខណ្ឌចំការមន ជាប់និងប្រឡាយលូទឹកស្អុយ តាមបណ្តោយផ្លូវ៤៨៨ ក្នុងសង្កាត់ផ្សារដើមថ្កូវ ខណ្ឌចំការមន។
តាមប្រភព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រថយន្តហាយលេនឌ័រមួយគ្រឿងពណ៌សពាក់ស្លាកលេខភ្នំពេញ2AQ-6417ធ្វើដំណើរទិសដៅពីលិចទៅកើតខណះមកដល់ចំណុចខារ៉ាអូខេ ចេ ម្ចាស់បង្កបានឈប់រថយន្ត នៅមុខខារ៉ាអូខេ ចេ នៅក្បែរកន្លែងកើតហេតុខាងលើ ដោយមិនដឹងរងចាំយកអ្នកណានោះស្រាប់តែមួយសន្ទុះក្រោយមកក៍បានបើករថយន្តចេញយ៉ាលឿនលុះដល់ចំណុចកើតហេតុខាងលើបានរេចង្កូតមកខាងស្តាំដៃជ្រុកទៅបុករះរទេះលក់ម្ហូបចតលក់នៅលើចិញ្ចើមផ្លូវចំនួនពីរគ្រឿងបណ្តាលឲ្យក្រឡាប់ផ្ងាជើងម្ខាងនិងខូចខាតសម្ភារៈលក់ចំនួនចំនួនរួចបន្តទៅបុកម៉ូតូកង់បីឥណ្ឌាចតរងចាំនៅចាំដឹកម៉ូយចំនួនពីរគ្រឿងបន្ថែមទៀតបណ្តាលឲ្យមួយគ្រឿងខូចខាតស្ទើទាំងស្រុងចំណែកមួយគ្រឿងទៀតខូចតិចតួចចំណែករថយន្តទៅបង្កទៅមុខលេងរួច។សំណាងល្អមិនបង្កឲ្យមានអ្នករងរបួស។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កនិងម៉ូតូកង់បីឥណ្ឌាទៅរក្សាទុកនៅអធិការដ្ឋាននគរបាលខណ្ឌចំការមនរងចាំដោះស្រាយគ្នាទៅតាមផ្លូវច្បាប់៕
