ព្រះសីហនុ ៖ រថយន្តហាយឡែនឌ័រមួយគ្រឿង បើកបោះពួយល្បឿនលឿនជ្រុលទៅបុកក្បាលនាគទ្រូងផ្លូវ ខ្ទេចទៅមុខលែងរួច កាលពីវេលាម៉ោង១២រំលងអធ្រាត្រឆ្លងចូលថ្ងៃទី១១ ខែមិថុនា ឆ្នាំ២០១៩ នៅតាមផ្លូវជាតិលេខ៤ ចំណុចផ្សារវាលរេញ ឃុំវាលរេញ ស្រុកព្រៃនប់ ខេត្តព្រះសីហនុ ។
តាមសមត្ថកិច្ចបានឲ្យដឹងថា មុនកើតហេតុ រថយន្តបង្កម៉ាកហាយឡែនឌ័រពណ៌ខ្មៅ ពាក់ស្លាកលេខ ភ្នំពេញ 2AS-2816 បើកបរដោយបុរសម្នាក់ ល្បឿលឿន ពីព្រះសីហនុ ឆ្ពោះទៅភ្នំពេញ លុះដល់ចំណុចកើតហេតុ ជ្រុលទៅបុកក្បាលមនាគ ទ្រូងផ្លូវ ទៅមុខលែងរួច ។
ក្រោយកើតហេតុ ជនរងគ្រោះ បញ្ជូនទៅមន្ទីរពេទ្យ ចំណែករថយន្ត សមត្ថកិច្ចស្ទូចយកទៅរក្សាទុកនៅអធិការដ្ឋាន រងចាំដោះស្រាយពេលក្រោយ ៕ដោយ៖លោកសំនៀង
