ខេត្តពោធិ៍សាត់៖ ថ្នាំញៀនទម្ងន់កន្លះគីឡូក្រាម រួមនិងជនសង្ស័យប្រុសស្រីចំនួន ៦នាក់ក្នុងនោះមានស្រី៣នាក់ ត្រូវបាននគរបាលក្រុងពោធិ៍សាត់ និងកម្លាំងសមត្ថកិច្ចមូលដ្ឋាន សហការណ៍បង្ក្រាប ដោយឆ្មក់ចូលឆែកឆេផ្ទះជួលមួយកន្លែង នៅវេលាម៉ោង១១ និង៤៥នាទី យប់ថ្ងៃទី១០ ខែមិថុនា ឆ្នាំ២០១៩នេះ ស្ថិតក្នុងភូមិក្បាលហុង សង្កាត់ផ្ទះព្រៃ ក្រុងពោធិ៍សាត់។
លោក យឹម ស៑ាងហៃ អធិការនគរបាលក្រុងពោធិ៍សាត់ បានឲ្យដឹងថា ជនសង្ស័យដែលត្រូវកម្លាំង របស់លោកឃាត់ខ្លួននោះរួមមាន
១- ឈ្មោះ ជីវិត វណ្ណាវិន ភេទប្រុសអាយុ២១ឆ្នាំ រស់នៅភូមិព្រៃស្មាច់ ឃុំរកាត ស្រុកភ្នំក្រវ៉ាញ(យោធា)។
ទី២- ឈ្មោះ ប៉េង ពិសិដ្ឋ ភេទប្រុសអាយុ២១ឆ្នាំ រស់នៅភូមិស្បូវរីក ឃុំលាច ស្រុកភ្នំក្រវ៉ាញ(ជាងចម្លាក់)។
ទី៣- អ៊ឹម បញ្ញា ភេទប្រុសអាយុ ២៣ឆ្នាំរស់ នៅភូមិស្ទឹងតូច សង្កាត់រលាប ក្រុងពោធិ៍សាត់។
ទី៤- ពៅ ស៊ីនី ភេទស្រីអាយុ២១ឆ្នាំ រស់នៅភូមិព្រៃឪម៉ាល់ សង្កាត់រលាប ក្រុងពោធិ៍សាត់។
ទី៥- ហាំ ម៊ីហួរ ភេទស្រីអាយុ១៨ឆ្នាំ រស់នៅភូមិតាកែវលើ ឃុំត្នោតជុំ ស្រុកក្រគរ(សិស្ស) និងទី៦- ឈ្មោះ ឃុត រតនា ភេទស្រីអាយុ ១៩ឆ្នាំរស់នៅភូមិពេជ្របាន សង្កាត់រលាប ក្រុងពោធិ៍សាត់។
លោកអធិការ បន្តថា មុនការបង្ក្រាបករណីខាងលើនេះ គឺដោយសារសមត្តកិច្ច របស់លោកមានការសង្ស័យ ត្រង់ទីតាំងផ្ទះជួលមួយកន្លែងនេះបន្ទាប់មកលោកបាន ដាក់កម្លាំង ដើម្បីតាមឃ្លាំមើលរហូតដល់តាមមុខសញ្ញាដល់ទីតាំងស្ទើគ្រោះថ្នាក់ដល់កម្លាំងរបស់លោកថែមទៀតផង។
លោកថា ដោយសាក្រុមជនសង្ស័យប្រុងធ្វើស៊ី ប៉ុន្តែដោយសារការត្រៀមទុកមុនឈានដល់់ការបង្កាបតែម្តង។
ដោយក្នុងប្រតិបត្តការណ៍នេះ សមត្តកិច្ចបានឆ្មក់ចូលឆែកឆេភ្លាមៗ បានរកឃើញវត្ថុតាងថ្នាំញៀនមួយកញ្ចប់ធំទម្ងន់ជា៥០០ក្រាម ថ្នាំគ្រាប់ពណ៌ក្រហម២គ្រាប់ និងបានឃាត់ខ្លួនជនសង្ស័យទាំង៦នាក់ ខាងលើ ម៉ូតូ ៤គ្រឿង ទូរស័ព្ទ ៧គ្រឿង ដែកកេះ៨ និងថង់ផ្លាស្ទិកមួយចំនួនធំផងដែរ។
ចំពោះក្រុមជនសង្ស័យ រួមនិងវត្ថុតាងកំពុងស្ថិតនៅអធិការដ្ឋាន នគរបាលក្រុងពោធិ៍សាត់ដើម្បីកសាងសំណុំរឿង បញ្ជូនបន្តចាត់តាមច្បាប់៕
