ខេត្តស្វាយរៀង ៖ នៅព្រឹកថ្ងៃទី១១ ខែមិថុនា ឆ្នាំ២០១៩ នៅក្នុងតំបន់សេដ្ឋកិច្ចពិសេសស្វាយរៀងហ្គ័ហ្គា រឺ័សសស្ថិតនៅភូមិដើមពោធិ៍ឃុំស្រុកស្វាយទាបមានកម្មករកម្មការនីរោងចក្រ(សាន់រ៉ាយស៍)ចំនួន១៥៦២នាក់ ស្រី៤២០នាក់ធ្វើកូដកម្មសូមទាមទារ១១ចំណុច៖
១.សូមអោយមានតំណាងកម្មករដើម្បីសម្របសម្រួលការងាររបស់កម្មករកម្មការនី ។
២.ថ្ងៃអាទិត្យសុំកុំបង្ខំកម្មឲ្យធ្វើការថែមម៉ោងត្រូវធ្វើការតាមស្មគ្រ័ចិត្តនិងថ្ងៃបុណ្យទានសុំប្រាក់បន្ថែម១ភា គ៣នៃប្រាក់គោល។
៣.សុំបន្ថយចំនួនផលិត។
៤.សូមគោរពសិទ្ធិកម្មករផង។
៥.សុំច្បាប់កុំតឹងតែងពេក។
៦.សូមឱ្យមានសហជីពនៅក្នុងរោងចក្រ។
៧.សូមឱ្យមានម៉ោងសម្រាកបាយថ្ងៃត្រង់ ។
៨.សូមកុំបញ្ឈប់អ្នកតវ៉ាក្នុងការិយាល័យ។
៩.សូមគិតលុយវេនយប់ពេលថ្ងៃខុសគ្នា។
១០.សូមឱ្យអ្នកពោះធំនិងអ្នកសម្រាលកូនចេញមុនម៉ោងធ្វើការកុំបញ្ឈប់ពួកគាត់។
១១.សូមអោយមានលុយសុខភាព០៥ដុល្លារក្នុងមួយខែ។
បើតាមតំណាងកម្មករម្នាក់សុំមិនបញ្ចេញឈ្មោះបានឲ្យដឹងថា មូលហេតុនាំឲ្យកម្មករកម្មការនីផ្ទុះធ្វើកូដកម្មមិនចូលធ្វើការនេះដោយ សារថៅកែររោងចក្រសាន់រ៉ាយស៌ដែលជាជនជាតិចិនបានរំលោភលើសិទ្ធិកម្មករហើយពេលតំ ណាងកម្មករធ្វើការតវាថៅកែរចិនរូបនោះបានវាយទៅលើកម្មករម្នាក់ដោយចោទថាកម្មកររូបនោះញុះញង់កម្មករកម្មការនីឲ្យតវានិងគម្រាមកំហែងដល់កម្មករដែលតវា ថានិងបញ្ឈប់ការងារ។
ប្រភពពីកម្មករដ៏ដែលបន្តទៀតថា នៅក្នុងរោងចក្រសាន់រ៉ាយគ្មានតំណាងកម្មករ ទើបពិបាកនិងធ្វើការសម្របសម្រួលនៅពេលមានវិវាទឬមានករណីរំលោភលើសិទ្ធិរបស់កម្មករទើបទាមទារសុំឲ្យគណកម្មការដោះស្រាយវិវាទនៃក្រសួងការងារជួយដោះស្រាយនិងសូមទាមទារគោលការណ៍ដែលជាសិទ្ធិរបស់កម្មករកម្មការនីចំនួន១១ចំណុចខាងលើដើម្បីការពារសិទ្ធិកម្មករកម្មការនី ក៏ប៉ុន្តែភាគីថៅកែរចិនមិនយល់ព្រម។
ទាក់ទិនករណីកម្មករកម្មការនីធ្វើកូដកម្មនេះដែរលោក នួន សំបូរ នាយការិយាល័យមន្ទីរការងារនិងបណ្តុះបណ្តាលវិជ្ជាជីវវៈ ខេត្តស្វាយរៀង បានមានប្រសាន៍តាមទូរសព្ទ័នៅវេលាម៉ោង២និង៥០នាទីរសៀល ថ្ងៃទី១១នេះថា ការសម្របសម្រួលដោះស្រាយវិវាទរបស់គណកម្មការដោះស្រាយវិវាទមិនទាន់ទទួលលទ្ធផលអ្វីទាំងអស់ដែលកម្មករកម្មការនីទាមទារចំនួន១១ចំណុចនោះ។
គឺរហូតដល់ម៉ោង៣និង០០នាទីរសៀល ថៅកែររោងចក្រសាន់រ៉ាយស៌មិនទាន់ ទទួល១ចំណុចណានៅឡើយទេ។
ហើយអ្វីគួរឲ្យសោកស្តាយនោះម្ចាសស់តំបន់សេដ្ឋកិច្ចពិសេសស្វាយរៀងហ្គឺ័ហ្គារឺ័សសមិនអនុញ្ញាត្តិឲ្យអ្នកសារព័ត៌មានចូលស្តាប់ឬថតផ្តិតយករូបភាពឡើយ៕ ដោយ៖ លោក ជា រដ្ឋា
