ភ្នំពេញ៖ដើម្បីបង្កើនប្រសិទ្ធិភាពការងារ និងរក្សាបាននូវសន្តិសុខ សណ្នាប់ធ្នាប់សាធារណៈនៅក្នុង រាជធានីភ្នំពេញកាន់តែល្អប្រសើរឡើងនោះ។ ស្នងការនគរបាលរាជធានីភ្នំពេញ បានប្រកាសឲ្យសាធារណជនចូលខំមិនក្នុងផេកស្នងការនគរបាលរាជធានីភ្នំពេញនេះដែរ ពាក់ព័ន្ធនឹងមន្រ្តីនគរបាលរូបណាមិនទទួលពាក្យ ឬប្រើពាក្យសំដីមិនសមរម្យនោះ។
យោងតាមផេកស្នងការនគរបាលរាជធានីភ្នំពេញ នៅថ្ងៃទី១៣ មិថុនានេះ បានសង្កត់ធ្ងន់ថា ក្នុងករណីមានមន្រ្តីរូបណា មិនទទួលពាក្យប្តឹង ឬប្រើពាក្យសំដីមិនសមរម្យ ប្រជាពលរដ្ឋអាចចូលខំមិនក្នុងផេកស្នងការនគរបាលរាជធានីភ្នំពេញនេះដែរ។ ស្នងការនគរបាលរាជធានីភ្នំពេញ រីករាយក្នុងការទទួលយកព័ត៌មានពិតពីប្រជាពលរដ្ឋ។
បន្ថែមពីនោះ ក្នុងករណីបងប្អូនប្រជាពលរដ្ឋជួបបទល្មើសផ្សេងៗ ដូចជាករណី លួច ឆក់ ប្លន់.សូមបងប្អូនអញ្ជើញទៅដាក់ពាក្យបណ្តឹងនៅតាមប៉ុស្តិ៍នគរបាលនៃកន្លែងកើតហេតុដើម្បីងាយស្រួលដល់សមត្ថកិច្ចក្នុងការស្រាវជ្រាវរកមុខសញ្ញា និងចាប់ជនល្មើសយកមកផ្តន្ទាទោសតាមច្បាប់៕
