ភ្នំពេញ ៖ អ្នកបើកបរម៉ូតូកង់បីឥណ្ឌាម្នាក់បានស្លាប់ភ្លាមៗនៅនិងកន្លែងកើតហេតុខណះសង្ស័យតែគាត់ពិសារគ្រឿងស្រវឹងហើយបានបើកបរបញ្ច្រាស់ទិសដៅចរាចររេពេញផ្លូវ ទៅប៉ះជាមួយនិងរថយន្តកុងតៃន័របុកផ្លោងប៉ើងជាង៥០ម៉ែត្រ ធ្លាក់ចូលបរឡាយទឹក។ កាលពីវេលាម៉ោង៩និង៤៥នាទីយប់ថ្ងៃទី១២ ខែមិថុនា ឆ្នាំ២០១៩ តាមផ្លូវជាតិលេខ៣ ភូមិព្រៃព្រីង២ សង្កាត់ចោមចៅ៣ ខណ្ឌពោធិសែនជ័យ ។
ជនរងគ្រោះមិនទាន់ស្គាល់អត្តសញ្ញាណទេ ភេទប្រុស អាយុជាង២០ឆ្នាំ ជាអ្នកបើកបរម៉ូតូកង់បីឥឥណ្ឌា ពណ៌ស ពាក់ស្លាកលេខ ភ្នំពេញ 1HO-9175 ។ ចំណែករថយន្យកុងតៃន័រ ម៉ាក MITSUBISHI ពណ៌ស ពាក់ស្លាកលេខ ភ្នំពេញ 3A-9143 អ្នកបើកបរគេចខ្លួនបាត់ ។
តាមប្រភពនៅកន្លែងកើតហេតុ បានឲ្យដឹងថា មុនកើតហេតុ ម៉ូតូកង់បី បើកពីត្បូងទៅជើង បើករេពេញផ្លូវ ស្របពេលដែលរថយន្តកុងតៃន័រ បើកពីជើងទៅត្បូង គេចមិនផុតជ្រុលទៅបុកផ្លោងខ្ទាតជាង៥០ម៉ែត្រ ទៅធ្លាក់ក្នុងប្រឡាយអមផ្លូវម្ខាងទៀត ស្លាប់ភ្លាមៗនៅកន្លែងកើតហេតុ រីឯរថយន្តកុងតៃន័រ បើកចតកៀនខាងអ្នកបើកបរចុះរត់គេចខ្លួនបាត់។
ក្រោយកើតហេតុក៍មានសមត្ថកិច្ចមូលដ្ឋាននិងនគរបាលផ្នែកចរាចររាជធានីភ្នំពេញបានចុះមកដល់ធ្វើការវាស់វែងយករថយន្តនិងម៉ូតូទៅរក្សារទុកនៅការយាល័យនគរបាលចរាចរជើងគោករាជធានីភ្នំពេញដើម្បីរងចាំដោះស្រាយនៅពេលក្រោយ។ចឲណែកសពសមត្ថកិច្ចបានយកទៅតំកល់ទុកនៅវត្តទឹកថ្លាដើម្បីរងចាំសាច់ញាតិមកទទួលធ្វើបុណ្យតាមប្រពៃណី៕
