ភ្នំពេញ៖ រថយន្តកូរ៉េមួយគ្រឿងដឹកឈើពេញបានបុកបង្គោលភ្លើងសញ្ញាចរាចរណ៍បាក់រាបដល់ដីរថយន្តរងការខូចខាតយ៉ាងដំណំសំណាងល្អមិនបង្កឲ្យមានគ្រោះថ្នាក់ដល់មនុស្សហេតុការណ៍នេះកើតឡើងនៅថ្ងៃទី១៦ ខែមិថុនា ឆ្នាំ២០១៩ វេលាម៉ោង៦និង២០នាទីត្រង់ចំណុចភ្លើងស្តុបផ្លូវវេងស្រេងកែងផ្លូវ៣០ម៉ែត្រ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
រថយន្តបង្កម៉ាកHyundai ពាក់ស្លាកលេខ ភ្នំពេញ A-8102 ធ្វើរដំណេីរតាមបណ្តោយផ្លូវ៣០ម៉ែត្រឆ្ពោះទៅច្បាអំពៅ អ្នកបើកបររថយន្តមានឈ្មោះ សុវណ្ណា រិទ្ធ ភេទប្រុស អាយុ២៤ឆ្នាំ មុខរបរអ្នកបើកបរមានស្រុកកំណើតនៅភូមិស្មោង ស្រុកសំលាញ ខេត្តកំពត ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុឃើញរថយន្តម៉ាកHyundai ធ្វើដំណើរតាមបណ្តោយផ្លូវ៣០ម៉ែត្រលុះមកដល់ភ្លើងផ្លូវវេងស្រេងរថយន្តបានរ៉េចង្កូតបុកបង្គោលតែម្តងទៅ។
អ្នកបើកបររថយន្តបានរៀបរាប់ប្រាប់អ្នកសារព័ត៌មានថាគាត់បើករថយន្តដឹកឈើនេះពីគីឡូលេខ៦ឆ្ពោះទៅច្បាអំពៅលុះមកជិតដល់កន្លែងកើតហេតុរថយន្តរបស់គាត់ជាន់ហ្វាំងមិនស៊ីហើយឃើញមានមនុស្សឈប់រង់ចាំភ្លើងពណ៍ខៀវនៅខាងមុខរថយន្តគាត់ច្រើនពេលនោះគាត់ក៏សម្រេចចិត្តកាច់ចង្កូតរថយន្តទៅបុកបង្គោលភ្លើងតែម្តងទៅ។
បច្ចុប្បន្នអ្នកបើកបរនិងរថយន្តត្រូវបាននគរបានជំនាញផ្នែកចរារចណ៍ជើងនៃស្នងការរដ្ឋានរាជធានីភ្នំពេញកសាងសំណុំរឿងដោះស្រាយតាមនិតិវិធី៕
