ខេត្តកំពង់ស្ពឺ៖ បុរសម្នាក់បានដាច់ខ្លួនជាពីរខណៈដែលជិះម៉ូតូម្នាក់ឯងហើយត្រូវបានរថយន្តបើកលឿនបុកកិនម៉ូតូកាលពីវេលាម៉ោង០២ និង១០នាទីរសៀលថ្ងៃទី១៨ ខែមិថុនា ឆ្នាំ២០១៩ នៅលើកំណាត់ផ្លូវលេខ៤ ត្រង់ចន្លោះបង្គោលគីឡូម៉ែត្រលេខ៥១ ទៅលេខ ៥២ ស្ថិតនៅក្នុងភូមិភ្នំដី សង្កាត់ច្បារមន ក្រុងច្បារមន ខេត្ត កំពង់ស្ពឺ។
តាមសម្តីរបស់មន្ត្រីនគរបាលបាននិយាយអោយដឹងថានៅមុនពេលកើតហេតុ មានរថយន្តមួយគ្រឿង ម៉ាក ហុី យ៉ាន់ដាយ ពាក់ស្លាកលេខ ភ្នំពេញ 3B .6181 បានបើកបរតាមបណ្តោយផ្លូវជាតិលេខ៤ ក្នុងទិសដៅពីទិសខាងកើត ទៅទិសខាងលិចលុះបើកបរមកដល់ចំណុចខាងលើបាន បុកជាមួយម៉ូតូម៉ាក់ភីសុីអុិច (PCX) ពណ៌ខៀវពាក់ស្លាក លេខ ខ-ម1-9930 ដែលបើកកើតទៅលិចដូចគ្នាអ្នកបើកបរមានឈ្មោះរតន័ ប៉ុនណា មីន ភេទប្រុស អាយុ៤០ឆ្នាំ រស់នៅភូមិ ញរ សង្កាត់កណ្តោលដុំ ក្រុងច្បារមន ខេត្តកំពង់ស្ពឺ បានស្លាប់ភ្លាមៗដាច់ជាពីភ្លាមៗរីឯអ្នកបើកបររថយន្ត រត់គេចខ្លួនបាត់ក្រោយបង្កហេតុរួច ។
ក្រោយកើតហេតុមន្ត្រីនគរបាលបានចុះទៅធ្វើការវាស់វែង ចំពោះវត្ថុតាង ទាំងពីគ្រឿង បានប្រគល់អោយចរា ចរណ៍ខេត្តដោះស្រាយតាមនិតីវិធី ។
រីឯសពបុរសខាងលើប្រគល់អោយសាច់ញាតិយកទៅធ្វើបុណ្យតាមប្រពៃណី៕
