កំពង់ស្ពឺ ៖ កម្លាំងមូលដ្ឋាន កងរាជអាវុធហត្ថ ស្រុកភ្នំស្រួច ដឹកនាំលោកវរសេនីយ៍ទោ យស ឌីណា មេបញ្ជាការ ដោយមានការសម្របសម្រួល ពីលោកស្រី ចាត សូរស្មី ព្រះរាជអាជ្ញាអម សាលាដំបូងខេត្តកំពង់ស្ពឺ បានឃាត់ខ្លួនជនសង្ស័យម្នាក់ ឈ្មោះ ឡុង តូ ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិទី៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ពីករណីចែកចាយគ្រឿងញៀនកាលពីវេលាម៉ោង១៦ និង២០នាទី ថ្ងៃទី១៩ ខែមិថុនា ឆ្នាំ២០១៩ នៅចំណុចភូមិទី៣ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
កម្លាំងបានដកហូតវត្ថុតាងរួមមាន ថ្នាំញៀនម៉ាទឹកកក ចំនួន១១កញ្ចប់ ស្មើ៤.៤៥ក្រាម.ទូរស័ព្ទមួយគ្រឿង និងប្រាក់រៀល៦៥.000រៀល ផងដែរ។
បច្ចុប្បន្នជនសង្ស័យ និងវត្ថុតាងបានបញ្ជូនមកបញ្ជាការដ្ឋានកងរាជអាវុធហត្ថខេត្តដើម្បីអនុវត្តតាមនីតិវិធី៕
